ಆಮ್ಚ್ಯಾ ದೆವಾಚ್ಯಾ ಶಹರಾoತ್ ಸ್ತುತಿ ತಾಕಾ
ಫಾವೊ,
ತಾಚೊ ಪವಿತ್ರ್ ಪರ್ವತ್ ಉoಚ್
ಆನಿ ಸುoದರ್,
ಸಗ್ಳ್ಯಾ ಸoಸಾರಾಚೊ ಆನoದ್.
ಸಿಯೊನ್ ಪರ್ವತ್ ಪಯ್ಶಿಲೆ ಉತ್ತರೆoತ್
ವರ್ತ್ಯಾ ರಾಯಾಚೆo ಶಹರ್.
ದೆವಾನ್ ಸಿಯೊನಾಚ್ಯಾ ರಾಜ್ ಭವನಾoನಿ
ಆಪುಣ್ ಚ್ ಘಟ್ ಕೊಟೆo ಮ್ಹಣ್
ದಾಕೊವ್ನ್ ದಿಲೆ೦.
ಪಳೆಯಾ ರಾಯ್ ಎಕ್ಟಾoಯ್ ಜಾಲೆ,
ಸಾ೦ಗಾತಾ ಮೆಳುನ್ ತೆ ಮುಕಾರ್ ಸರ್ಲೆ;
ಪಳೆನಾ ಪುಡೆo ತಾoಕಾ ಝಿoಟ್ ಮಾರ್ಲಿ,
ತೆ ಆಕಾoತ್ಲೆ ಆನಿ ಪಳುನ್ ಗೆಲೆ.
ಥoಯ್ ತಾoಚೆರ್ ಆಯ್ಲೆ ಥರ್ಥರೆ,
ಪ್ರಸೂತ್ ಜಾತಲೆ ಸ್ತ್ರಿಯೆಚೆರ್
ಯೆತಾತ್ ತಸಲೆ ವಳ್ವಳೆ.
ತಾರ್ಶಿಶಾಚ್ಯಾ ತಾರ್ವಾoಚೊ ನಾಸ್ ಕರ್ತಾ
ತಸಲ್ಯಾ ವಾರ್ಯಾವಾದಳಾ ಭಾಶೆನ್ ತೆ ಯೆತಾತ್.
ದಳ್ಬಾರಾoಚ್ಯಾ ಸರ್ವೆಸ್ಪರಾಚ್ಯಾ ಶಹರಾoತ್
ಆಮ್ಚ್ಯಾ ದೆವಾಚ್ಯಾ ಶಹರಾoತ್ ,
ಜೆo ಆಮಿ ಆಯ್ಕಲೆo, ತೆo ಆಮಿ ದೆಕ್ಲೆo
ದೇವ್ ತೆo ಶಹರ್ ಸದಾoಕಾಲ್ ಸಾoಬಾಳ್ತಾ.
ತುಜ್ಯಾ ಮoದಿರಾoತ್, ದೆವಾ,
ತುಜೊ ಮೋಗ್ ಆಮಿ ನಿಯಾಳ್ತಾoವ್.
ಜಶೆo ತುಜೆo ನಾoವ್, ದೆವಾ ತಶೆo ತುಜಿ ಸ್ತುತಿ
ಪ್ರಥ್ವೆಚ್ಯಾ ಶಿಮಾo ಪರ್ಯಾoತ್ ಪಾವ್ಲ್ಲ್ಯಾ
ತುಜ್ಯಾ ಉಜ್ವ್ಯಾ ಹಾತಾoತ್ ಭರೊನ್
ಆಸಾ ನೀತ್,
ತುಜ್ಯಾ ನ್ಯಾಯ್ ನಿರ್ಣಯಾoಕ್ ಲಾಗುನ್
ಸಿಯೊನ್ ಪರ್ವತ್ ಸ೦ತೊಸ್ತಾ,
ಜುದಾಚ್ಯೊ ಧುವೊ ಆನoದ್ ಭೊಗ್ತಾತ್.
ಸಿಯೊನಾಕ್ ಭೊoವಾಡೊ ಕಾಡಾ
ತಾಚೆ ಭೊoವ್ತಿ ಚಲಾ,
ತಾಚೆ ಬುರುಜ್ ಮೆಜಾ.
ತಾಚೆ ಪಾಗಾರ್ ಪಳೆವ್ನ್ ಘೆಯಾ
ತಾಚ್ಯಾ ರಾವ್ಳೆರಾoಚಿ ತಪಾಸ್ಣಿ ಕರಾ.
ಆಶೆo ತುಮಿ ಫುಡ್ಲೆ ಸ೦ತತಿಕ್ ಸಾoಗುoಕ್
ಸಕ್ತಲ್ಯಾತ್;
ಹೊ ತೊ ದೇವ್ , ಆಮ್ಚೊ ದೇವ್ ಸಾಸ್ಣಾಚ್ಯಾ
ಸಾಸ್ಣಾಕ್,
ತೊ ಆಮ್ಚೊ ಫುಡಾರಿ ಸದಾoಕಾಲ್ ."
