ಜೆಜು ಎಮ್ಮಾವ್ಸಾಚೇ ವಾಟೇರ್

ಜೆಜು ಎಮ್ಮಾವ್ಸಾಚೇ ವಾಟೇರ್ (ಲೂಕ್ 24:35-48)

ಸಾಂ ಲೂಕಾ ಪರ್ಮಾಣೆ ಜೆಜು ಕ್ರೀಸ್ತಾಚಿ ಶುಭ್‍ವಾರ್ತಾ

ತವಳ್ ವಾಟೇರ್ ಆಪ್ಣಾಕ್ ಘಡ್-ಲ್ಲ್ಯಾ ಸಂಗ್ತಿಂ ವಿಶ್ಯಾಂತ್ ಆನಿ ಉಂಡೊ ಮೊಡ್ತಾನಾ ಆಪ್ಣೆಂ ತಾಚಿ ಒಳಕ್ ಕಶಿ ಧರ್ಲಿ ಹ್ಯಾ ವಿಶ್ಯಾಂತ್ ತಾಂಣಿಂ ತಾಂಕಾಂ ಸಾಂಗುಂಕ್ ಸುರು ಕೆಲೆಂ. ಅಶೆಂ ಉಲಯ್ತ್ ಆಸ್ತಾನಾ ಜೆಜು ತಾಂಚೇ ಮಧೆಗತ್ ಯೇವ್ನ್ ಉಬೊ ರಾವ್ಲೊ, ಆನಿ "ಸಮಾಧಾನ್ ತುಮ್ಕಾಂ!" ಮ್ಹಣಾಲೊ. ತೆ ಸಗ್ಳೆಚ್ ಘಾಬರ್ಲೆ ಆನಿ ಆಪುಣ್ ಏಕ್ ಮೆಲ್ಲೆಂ ದೆಖ್ತಾಂವ್-ಗಾಯ್ ಮ್ಹಣ್ ಚಿಂತುನ್ ತೆ ಆಕಾಂತ್ಲೆ. ಪುಣ್ ತೊ ತಾಂಕಾಂ ಸಾಂಗಿಲಾಗ್ಲೊ: "ತುಮಿ ಕಿತ್ಯಾಕ್ ಘಾಬರ್ಲ್ಯಾತ್? ತುಮ್ಚೇ ಮತಿಂತ್ ತುಮಿ ದುಬಾವ್ತಾತ್ ಕಿತ್ಯಾಕ್? ಪಳೆಯಾ ಮ್ಹಜೆ ಹಾತ್ ಆನಿ ಪಾಂಯ್! ಹಾಂವ್-ಚ್ ತೊ. ಮ್ಹಾಕಾ ಹಾತ್ ಲಾವ್ನ್ ಪಳೆಯಾ, ಮ್ಹಾಕಾ ಆಸಾತ್ ತಶೆಂ ಮೆಲ್ಲ್ಯಾಕ್ ಮಾಸ್ ಹಾಡಾಂ ಆಸನಾತ್" ಅಶೆಂ ಮ್ಹಣುನ್ ತಾಣೆಂ ತಾಂಕಾಂ ಆಪ್ಲೆ ಹಾತ್ ಆನಿ ಪಾಂಯ್ ದಾಖಯ್ಲೆ. ತೆ ಇತ್ಲೆ ಸಂತೊಸ್ ಆನಿ ವಿಜ್ಮಿತ್ ಪಾವ್ಲೆಕೀ, ಸಂಗತ್ ಸತ್ಮಾನುಂಕ್ ತೆ ಅನಿಕ್-ಯೀ ದುಬಾವ್ತಾಲೆ. ದೆಕುನ್ ಜೆಜುನ್ ತಾಂಚೇಲಾಗಿಂ ಮ್ಹಳೆಂ: "ಹಾಂಗಾ ತುಮ್ಚೇಲಾಗಿಂ ಕಾಂಯ್ ಪುಣ್-ಯೀ ಖಾಂವ್ಕ್ ಆಸಾ?" ತಾಂಣಿಂ ತಾಕಾ ಇಂಗ್ಳ್ಯಾರ್ ಭಾಜ್-ಲ್ಲೇ ಮಾಸ್ಳೆಚೊ ಎಕ್ ಕುಡ್ಕೊ ದಿಲೊ. ತಾಣೆಂ ತೊ ಘೆವ್ನ್ ತಾಂಚೇ ಮುಖಾರ್-ಚ್ ಕೆಲೊ. ಉಪ್ರಾಂತ್ ಜೆಜು ತಾಂಕಾಂ ಸಾಂಗಿಲಾಗ್ಲೊ: "ಹ್ಯೊಚ್ ತ್ಯೊ ಸಂಗ್ತಿ ತುಮ್ಚೇ ಸಾಂಗಾತಾ ಆಸ್-ಲ್ಲ್ಯಾ ವೆಳಾರ್ ಹಾಂವೆಂ ತುಮ್ಕಾಂ ಸಾಂಗ್-ಲ್ಲ್ಯೊ; ಮೊಯ್ಜೆಚ್ಯಾ ನಿಯಮ್-ಶಾಸ್ತ್ರಾಂತ್, ಪ್ರವಾದ್ಯಾಂಚ್ಯಾ ಪುಸ್ತಕಾಂನಿ ಆನಿ ಕೀರ್ತನಾಂನಿ ಮ್ಹಜೇ ವಿಶ್ಯಾಂತ್ ಕಿತೆಂ ಬರೊವ್ನ್ ಆಸಾ ತೆಂ ಸರ್ವ್ ಘಡೊನ್ ಯೆಂವ್ಕ್ ಜಾಯ್." ಉಪ್ರಾಂತ್ ಪವಿತ್ರ್ ಪುಸ್ತಕ್ ತಾಂಕಾಂ ಸಮ್ಜಸಾರ್ಕೆಂ ತಾಂಚೇ ಮತಿಕ್ ತಾಣೆಂ ಉಜ್ವಾಡ್ ದಿಲೊ. ಆನಿ ಮ್ಹಳೆಂ: "ಅಶೆಂ ಪಯ್ಲೆಂಚ್ ಬರೊವ್ನ್ ಆಸಾ: ಕ್ರೀಸ್ತಾನ್ ಕಷ್ಟ್ ಸೊಸುಂಕ್ ಆಸಾ, ಆನಿ ತಿಸ್ರ್ಯಾ ದಿಸಾ ಮೆಲ್ಲ್ಯಾಂತ್ಲೊ ತಾಣೆಂ ಉಠೊಂಕ್ ಆಸಾ. ತಾಚ್ಯಾ ನಾಂವಾನ್ ಜಿಣಿ ಬದ್ಲಪಾಚೊ ಆನಿ ಪಾತ್ಕ್ಯಾಂಚ್ಯಾ ಬೊಗ್ಸಾಣ್ಯಾಚೊ ಸಂದೇಶ್ ಜೆರುಜಲೆಮಾ ಥಾವ್ನ್ ಸುರು ಕರ್ನ್, ಸರ್ವ್ ಪರ್ಜಾಂಕ್ ಪರ್ಗಟ್ ಕರುಂಕ್ ಜಾಯ್. ತುಮಿಚ್ ಹ್ಯಾ ಸಂಗ್ತಿಂಕ್ ಸಾಕ್ಸ್