(ಸಾ೦.ಜುವಾ೦ವ್ 6:51-58.)
"ಹಾಂವ್‌ಚ್ ತೊ ಸರ್ಗಿಂ ಥಾವ್ನ್ ದೆಂವುನ್ ಆಯ್ಲಲೊ ಜಿವೊ ಉಂಡೊ. ಹೊ ಉಂಡೊ ಖಾತಾ ತೊ ಸಾಸ್ಣಾಕ್ ಜಿಯೆತಲೊ. ಸಂಸಾರಾಕ್ ಜಿವಿತ್ ಮೆಳ್ಚಾಕ್ ಹಾಂವ್ ದಿತಾಂ ತೊ ಉಂಡೊ ಮ್ಹಜೆಂಚ್ ಮಾಸ್." ತಿತ್ಲ್ಯಾರ್ ಜುದೆವ್ ಎಕಾಮೆಕಾ ವಾದ್‌ವಿವಾದ್ ಕರುನ್ ಮ್ಹಣಾಲೆ: "ತಾಣೆಂ ಆಮ್ಕಾಂ ಆಪ್ಲೆಂ ಮಾಸ್ ಖಾಂವ್ಕ್ ದಿವ್ಚೆಂ ಜಾಲ್ಯಾರ್‌ಯೀ ಕಶೆಂ?" ದೆಕುನ್ ಜೆಜುನ್ ತಾಂಕಾಂ ಸಾಂಗ್ಲೆಂ: "ಸತ್‌ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ: ತುಮಿ ಮನ್ಶಾಪುತಾಚೆಂ ಮಾಸ್ ಖೆಲ್ಲೇ ಖರಿತ್ ಆನಿ ತಾಚೆಂ ರಗತ್ ಪಿಯೆಲ್ಲೇ ಖರಿತ್ ತುಮ್ಚೇ ಥಂಯ್ ಜೀವ್ ಆಸ್ಚೊನಾ. ಜೊ ಕೊಣ್ ಮ್ಹಜೆಂ ಮಾಸ್ ಖಾತಾ ಆನಿ ಮ್ಹಜೆ ರಗತ್ ಪಿಯೆತಾ, ತಾಚೇ ಥಂಯ್ ಸಾಸ್ಣಾಚೊ ಜೀವ್ ಆಸಾ; ಆನಿ ನಿಮಾಣ್ಯಾ ದಿಸಾ ಹಾಂವ್ ತಾಕಾ ಜಿವಂತ್ ಉಠಯ್ತಲೊಂ. ಕಿತ್ಯಾಕ್ ಮ್ಹಜೆಂ ಮಾಸ್ ಖರೆಂ ಖಾಣ್ ಆನಿ ಮ್ಹಜೆಂ ರಗತ್ ಖರೆಂ ಪೀವನ್. ಜೊ ಕೊಣ್ ಮ್ಹಜೆಂ ಮಾಸ್ ಖಾತಾ ಆನಿ ಮ್ಹಜೆಂ ರಗತ್ ಪಿಯೆತಾ, ತೊ ಮ್ಹಜೇ ಥಂಯ್ ಜಿಯೆತಾ ಆನಿ ಹಾಂವ್ ತಾಚೇ ಥಂಯ್ ಜಿಯೆತಾಂ. ಜಶೆಂ ಜಿವಂತ್ ಬಾಪಾನ್ ಮ್ಹಾಕಾ ಧಾಡ್ಲಾ ಆನಿ ಬಾಪಾ ವರ್ವಿಂಚ್ ಹಾಂವ್‌ಯೀ ಜಿಯೆತಾಂ, ತಶೆಂ ಜೊ ಕೊಣ್ ಮ್ಹಾಕಾ ಖಾತಾ ತೊಯೀ ಮ್ಹಜೇ ವರ್ವಿಂ ಜಿಯೆತಲೊ. ಹೊ ಸರ್ಗಾರ್ ಥಾವ್ನ್ ದೆಂವ್ಲಲೊ ಉಂಡೊ. ತುಮ್ಚ್ಯಾ ಪುರ್ವಜಾಂನಿ ಖೆಲೊ ತ್ಯಾ ಉಂಡ್ಯಾಬರಿ ನ್ಹಯ್; ತೆ ಮೊರ್ನ್ ಪಾವ್ಲೆ. ಜೊ ಕೊಣ್ ಹೊ ಉಂಡೊ ಖಾತಾ ತೊ ಸಾಸ್ಣಾಕ್ ಜಿಯೆತಾಲೊ ದೆವಾಚೆಂ ಉತಾರ್ ಹೆಂ ...