ಖಾನಾಅನ್ ಗಾರ್ನ್ ಸ್ತ್ರಿಯೆಚೊ ಭಾವಾರ್ಥ್

ಜೆಜು ಜೆರುಸಲೆಮಾ ಥಾವ್ನ್ ಭಾಯ್ರ್ ಸರ್ನ್ ತೀರ್ ಆನಿ ಸಿದೊನ್ ಚ್ಯಾ ಪ್ರಾಂತಾಕ್ ಗೆಲೊ.

ತೆದ್ವಾಂ ತ್ಯಾ ಗಾoವಾಂತ್ಲಿ ಎಕ್ಲಿ ಖಾನಾಅನ್ ಗಾರ್ನ್ ಸ್ತ್ರೀ ಮುಖಾರ್ ಆಯ್ಲಿ ಆನಿ ಬೊಬ್ ಮಾರ್ನ್ ತಾಚೆಲಾಗಿಂ ಮ್ಹಣಾಲಿ: ''ಧನಿಯಾ, ದಾವಿದಾಚ್ಯಾ ಪುತಾ, ಮ್ಹಜಿ ಕಾಕುಳ್ತ್ ಕರ್! ಮ್ಹಜಿ ಧುವ್ ದೆoವ್ಚಾರ್ ಲಾಗೊನ್ ಭೋವ್ ಚಡ್ ವೊಳ್ವಳ್ತಾ.'' ಪುಣ್ ಜೆಜುನ್ ತಿಕಾ ಜಾಪ್ ದೀವ್ನ್ ಏಕ್ ಉತರ್ ಸಯ್ತ್ ಮ್ಹಳೆoನಾ. ಥೊಡ್ಯಾ ವೆಳಾನ್ ತಾಚೆ ಶಿಸ್ ಯೇವ್ನ್ ತಾಚೆಲಾಗಿಂ ಪರಾತುನ್ ಮ್ಹಣಾಲೆ: ''ತಿಕಾ ಚಿಕ್ಕೆ ಧಾಡ್ನ್ ಸೊಡ್! ಆಮ್ಚ್ಯಾ ಪಾಟ್ಲ್ಯಾನ್ ತಿ ಬೊಬ್ ಮಾರಿತ್ ಯೆತಾ.'' ಜೆಜುನ್ ಜಾಪ್ ದಿಲಿ: ''ಇಸ್ರಾಯೆಲ್ ಘರಾಣ್ಯಾoತ್ಲ್ಯಾ ಚುಕೊನ್ ಗೆಲ್ಲ್ಯಾ ಬಕ್ರ್ಯಾಂಕ್ ಮ್ಹಣ್ ಮಾತ್ರ್ ಮ್ಹಾಕಾ ಧಾಡ್ಲಾ.''ತಿ ತಾಚೆ ಮುಖಾರ್ ಯೇವ್ನ್ ಸರ್ಪಡುನ್ ಮ್ಹಣಾಲಿ: ''ಸಾಯ್ಬಾ, ಮ್ಹಾಕಾ ಪಾವ್.'' ಪುಣ್ ಜೆಜುನ್ ತಿಕಾ ಜಾಪ್ ದಿಲಿ: ''ಘರ್ಚ್ಯಾ ಭುರ್ಗ್ಯಾಂಚೊ ಉಂಡೊ ಕಾಡ್ನ್ ಸುಣ್ಯಾoಕ್ ದಿವ್ಚೋ ಸಮ ನ್ಹಯ್.'' ತಿ ಮ್ಹಣಾಲಿ: ''ತೆಂ ನೀಜ್, ಧನಿಯಾ, ತರಿಪೂಣ್ ಸುಣಿಂ ಆಪ್ಲ್ಯಾ ಧನಿಯಾಚ್ಯಾ ಮೆಜಾರ್ ಥಾವ್ನ್ ಪಡ್ಲಲೆ ಉಂಡ್ಯಾಕುಡ್ಕೆ ಖಾತಾತ್ ನ್ಹಯ್?'' ಹೆಂ ಆಯ್ಕಾನ್ ಜೆಜು ತಿಕಾ ಜಾಪ್ ದೀವ್ನ್ ಮ್ಹಣಾಲೊ: ''ಬಾಯೇ, ವರ್ತೋ ತುಜೊ ಭಾವಾರ್ಥ್! ತುಜೇ ಅಪೇಕ್ಷೆ ಪರ್ಮಾಣೆಂ ತುಕಾ ಜಾಂವ್.'' ಆನಿ ತೇಚ್ ಘಡಿಯೇ ತಿಚಿ ಧುವ್ ಬರಿ ಜಾಲಿ.