Namo Namo Jezu Krista - Konkani

ನಮೋ ನಮೋ ಜೆಜು ಕ್ರಿಸ್ತಾ::

---------------------------------------

ನಮೋ ನಮೋ ಜೆಜು ಕ್ರಿಸ್ತಾ,

ಉಂಡ್ಯಾ ರುಪಾರ್ ಲಿಪೊನ್ ಆಸ್ಚ್ಯಾ 

ನಮೋ ನಮೋ ಸೊಡ್ವೊಣ್ದಾರಾ,

ಸಾಕ್ರಾಮೆಂತಾಂತ್ ಆಮ್ಕಾಂ ರಾಕ್ಚ್ಯಾ 

ಸರ್ಗಿಂಚೊ ದೇವ್ ತುಂ, ಆಮ್ಕಾಂ ಮೆಳೊಂಕ್ ರಾವ್ಲಾಯ್

ದೇವ್ಪಣ್ ಲಿಪೊವ್ನ್ ತುವೆಂ, ಉಂಡ್ಯಾಚೆಂ ರೂಪ್ ಘೆತ್ಲಾಂಯ್

ಉಂಡ್ಯಾ ವಾಯ್ನಾರ್ ಯೆವ್ನ್, ತುಂ ಆಮ್ಚೆಂ ಖಾಣ್ ಜಾತಾಯ್

ಆಮ್ಚ್ಯಾ ಮೊಗಾನ್ ಭರೊನ್, ತುಕಾಚ್ ಸಮರ್ಪಿತಾಯ್

ಜಿಣ್ಯೆಚೆಂ ಸುಖ್ ದೂಖ್, ತುಕಾ ಸಾಂಗೊಂಕ್ ಆಯ್ಲ್ಯಾಂವ್

ತುಜೆ ಥಾವ್ನ್ ಭುಜ್ವಣ್, ಆಶೆವ್ನ್ ಹಾಂಗಾ ರಾವ್ಲ್ಯಾಂವ್ 

ಯೇ ಜೆಜು ಯೇ, ಆಮ್ಕಾಂ ಮೆಳೊಂಕ್ ತುಂ ಯೇ

ತುಜೆ ಕುರ್ಪೆಚೆಂ ದೆಣ್ಯಾ, ಭಂಡಾರ್ ಘೆವ್ನ್ ಯೇ

ಲಾಗಿಂ ಸರ್ತಾಂವ್ ಸೊಮ್ಯಾ, ಚಾಕ್ತಾಂವ್ ತುಜಿ ಗೊಡ್ಸಾಣ್

ತುಜೆ ಸಂಗಿ ರಾವೊನ್, ವಿಸರ್ತಾಂವ್ ಜಿಣ್ಯೆ-ಕೊಡ್ಸಾಣ್

ಸಂತುಷ್ಟ್ ಜಾತಾಂವ್ ಆಮಿಂ, ಘೆವುನ್ ತುಜೆಂ ದರ್ಶನ್

ಸಾಕ್ಷಿ ತುಕಾ ಆಮಿ, ತುಜ್ಯಾ ಪವಿತ್ರ್-ಸ್ಪರ್ಶಾನ್

"Namo Namo Jezu Krista" Konkani Devotional song From -MODLOLO UNDO.. 

Lyrics & Tunes :- Fr. Walter Dsouza
Singer :- Dr. Prashanth Raj
Music :- Joel Pereira
Graphics & Video :- AlfaGodwin