ಇತ್ಲ್ಯಾರ್ ಸಾವ್ಲ್ ಸೊಮಿಯಾಚ್ಯಾ ಶಿಸಾಂ ವಯ್ರ್ ಕ್ರೋಧಾನ್ ಫುಸ್ಪುಸೊನ್ ತಾಂಕಾಂ ಜಿವೆಶಿಂ ಮಾರ್ಚಿ ಭೆಷ್ಟಾವ್ಣಿ ಘಾಲ್ನ್ ಆಸ್ಲೊ. ತೊ ಶ್ರೇಷ್ಟ್ ಯಾಜಕಾ ಸರ್ಶಿಂ ಗೆಲೊ ಆನಿ ಹೇ ನವೇ ವಾಟೆಚೆ ಪಾಟ್ಲಾವ್ದಾರ್, ಜಾಂವ್ ದಾದ್ಲೆ, ಜಾಂವ್ ಸ್ತ್ರೀಯೊ, ಕೊಣ್ ಯೀ ಆಪ್ಣಾಕ್ ಮೆಳ್ತಿತ್ ಜಾಲ್ಯಾರ್ ತಾಂಕಾ ಕೈದಿ ಕರ್ನ ಜೆರುಜಲೆಮಾಕ್ ಹಾಡ್ಚ್ಯಾಕ್ ದಾಮಾಸ್ಕ್ ಶಹರಾಚ್ಯಾ ಸಿನಗೊಗಾಂಕ್ ಅಧಿಕಾರ್ ಪತ್ರಾಂ ದೀಜಯ್ ಮ್ಹಣುನ್ ಮಾಗಿಲಾಗ್ಲೊ. ಅಶೆಂ ದಾಮಾಸ್ಕಾಚ್ಯಾ ವಾಟೇರ್ ಪಯ್ಣ್ ಕರ್ನ್ ಶಹರಾಲಾಗಿಂ ಪಾವ್ತಾಂ ಪಾವ್ತಾಂ ಎಕಾಚ್ಚಾಣೆo ತಾಚೆ ಭೊಂವ್ತಿಂ ಮಳ್ಬಾರ್ ಥಾವ್ನ್ ಏಕ್ ಪ್ರಕಾಸ್ ಫಾಂಕ್ಲೊ. ತೊ ಧರ್ಣಿಕ್ ಶೆವ್ಟಲೊ ಆನಿ ತೆದ್ವಾಂ ''ಸಾವ್ಲಾ , ಸಾವ್ಲಾ! ಕಿತ್ಯಾಕ್ ತುಂ ಮ್ಹಾಕಾ ದಗ್ದಿತಾಯ್?'' ಅಶೆಂ ಮ್ಹಣ್ಚೊ ಏಕ್ ತಾಳೊ ತಾಕಾ ಆಯ್ಕಲೊ. ''ತುಂ ಕೊಣ್ ಸೊಮಿಯಾ?'' ವಿಚಾರ್ಲೆಂ ಸಾವ್ಲಾನ್. ತ್ಯಾ ತಾಳ್ಯಾನ್ ಜಾಪ್ ದಿಲಿ: ''ಹಾಂವ್ ಜೆಜು, ಮ್ಹಾಕಾ ತುಂ ದಗ್ದಿತಾಯ್. ಆತಾಂ ಊಟ್ ಆನಿ ಶಹರಾಕ್ ವಚ್, ತುವೆಂ ಕಿತೆಂ ಕರಿಜಯ್ ತೆಂ ಥಂಯ್ ತುಕಾ ಸಾಂಗ್ತಲೆ.'' ತಾಚೆ ಬರಾಬರ್ ಪಯ್ಣ್ ಕರ್ತಲೆ ಥಟಕ್ಕ್ ಜಾಲೆ ಆನಿ ಉತರ್ ಸುಟನಾಸ್ತಾಂ ಉಬೆ ಆಸ್ಲೆ ; ತಾಳೊ ತಾಂಣಿಂ ಆಯ್ಕಲ್ಲೊ ತರ್ ಯೀ ಕೊಣ್ ಚ್ ತಾಂಕಾಂ ದಿಸ್ಲೊನಾ. ಸಾವ್ಲ್ ಧರ್ಣಿ ವಯ್ಲೊ ಉಟ್ಲೋ, ಪುಣ್ ತಾಣೆಂ ದೊಳೆ ಉಗ್ತೆ ಕೆಲ್ಲ್ಯಾ ವೆಳಾರ್ ಕಸಲೆಂಚ್ ತಾಕಾ ದಿಸನಾ ಜಾಲೆಂ. ತೆದ್ವಾಂ ತಾಕಾ ತಾಂಣಿಂ ಹಾತಾಕ್ ಧರ್ನ್ ದಾಮಾಸ್ಕ್ ಶಹರಾ ಭಿತರ್ ವ್ಹೆಲೊ. ತೀನ್ ದೀಸ್ ಪರ್ಯಾನ್ ತಾಕಾ ಕಾಂಯ್ಚ್ ದಿಸನಾ ಜಾಲೆಂ, ಆನಿ ತಾಣೆಂ ಆನ್ ಉದಕ್ ಆಪಡ್ಲೆಂನಾ.
-ದೆವಾಚೆಂ ಉತಾರ್ ಹೆಂ.
