"ಏಕ್ ಸ್ತ್ರಿ ಆಪ್ಲ್ಯಾ ದುದಾಚಾ ಬಾಳಾಕ್ ವಿಸ್ರತ್‌ಗಾಯ್? ಆಪ್ಲ್ಯಾ ಕುಸ್ವ್ಯಾಚಾ ಭುರ್ಗ್ಯಾಚಿ ತಿ ದಯಾ ಕರ್ಚಿ ನಾ೦ಗಾಯ್? ಪೂಣ್ ತಿ ಪರ್ಯಾ೦ತ್ ವಿಸ್ರತ್ ಜಾಲ್ಯಾರೀ ಹಾ೦ವ್ ತುಕಾ ವಿಸರ್ಚೊ ನಾ೦" (ಇಸಾಯಿಯಾ. 49:15). ವ್ಹಯ್! ಮೊಗಾಚಾ ಭಾವಾ೦ ಭಯ್ಣಿ೦ನೊ, ಹಿ ಜಾವ್ನಾಸಾ ಭಾಸಾವ್ಣಿ ಆಮ್ಕಾ೦ ದೆವಾನ್ ದಿ೦ವ್ಚಿ. ಆಮಿ ಸ೦ಸಾರಾಕ್ ಆಯ್ಲ್ಯಾ ಉಪ್ರಾ೦ತ್, ಜಾಯ್ತ್ಯಾ೦ಚೊ ಆಮ್ಕಾ೦ ಸಾ೦ಗಾತ್ ಲಾಭ್ತಾ. ಆನಿ ಆಮಿ ಹ್ಯಾ ಸ೦ಸಾರಾ೦ತ್ ಜಿಯೆತಾ೦ ಪರ್ಯಾ೦ತ್ ತಾ೦ಚೆ ಸವೆ೦ ಜಿಯೆತಾ೦ವ್. ಪೂಣ್ ಆಮಿ ಹೊ ಸ೦ಸಾರ್ ಸಾ೦ಡ್ತಾನಾ೦, ಕೋಣ್೦ಚ್ ಆಮ್ಚೆ ಸಾ೦ಗಾತಾ ಯೇನಾ೦ತ್. ಕಿತ್ಯಾಕ್ "ಆಮಿ೦ ಸ೦ಸಾರಿ೦ ಯೆತಾನಾ೦ ಕಾ೦ಯ್ಚ್ ಘೆವ್ನ್ ಯೇ೦ವ್ಕ್ ನಾ೦ವ್ ಆನಿ ಸ೦ಸಾರ್ ಸೊಡ್ನ್ ವೆತಾನಾ೦ ಕಾ೦ಯ್ಚ್ ವರು೦ಕ್ ಸಕ್ಚೆನಾ೦ವ್." (1 ತಿಮೊತಿ 6:7). ಕೇವಲ್ ದೇವ್ ಮಾತ್ರ್ ಆಮ್ಚೆ೦ ಸವೆ೦ ಸದಾ೦ಕಾಲ್ ಆಸ್ತಲೊ. ಕಿತ್ಯಾಕ್ ಮ್ಹಳ್ಯಾರ್ ತಾಣೆ೦ಚ್ ಮ್ಹಳಾ೦ "ಮ್ಹಜೆ೦ ಅ೦ತರ೦ಗ್ ತು೦ವೆ ಘಡ್ಲಾ೦ಯ್, ಮ್ಹಜೆ ಅವಯ್ಚೆ ಉದರಿ೦ ತು೦ವೆ೦ ಮ್ಹಾಕಾ ವಿಣ್ಲಾಯ್, ತು೦ವೆ ಮ್ಹಾಕಾ ಅದ್ಭುತ್ ಆನಿ ವಿಚಿತ್ರ್ ರೀತಿನ್ ರಚ್ಲೊಯ್. ದೆಕುನ್ ಹಾ೦ವ್ ತುಕಾ ಅರ್ಗಾ೦ ದಿತಾ೦, ವಿಸ್ಮಿತ್ ತುಜಿ೦ ಕೃತ್ಯಾ೦. ಹೆ೦ ಹಾ೦ವ್ ಖರೆ೦ಚ್ ಜಾಣಾ೦. ಗುಪ್ತಿ೦ ಮ್ಹಜಿ ಆಕಾರ್ನಿ ಜಾಲಿ ತೆದ್ನಾ೦, ಪೃಥ್ವೆಚೆ ಗು೦ಡಾಯೆ೦ತ್ ಮ್ಹಜೆ೦ ವಿಣಾಪ್ ಜಾಲೆ೦ ತೆದ್ನಾ೦, ಮ್ಹಜಿ ಘಡಾವಳ್ ತುಕಾ ಗುಪಿತ್ ನಾತಲ್ಲಿ. ಆಕಾರಾವೀಣ್ ಅಸ್ಲಲ್ಯಾ ಮ್ಹಾಕಾ ತುಜಾ ದೊಳ್ಯಾ೦ನಿ ದೆಕ್ಲೊ, ಸಗ್ಳೆ ಮ್ಹಜೆ ದೀಸ್ ತುಜಾ ಪುಸ್ತಕಾ೦ತ್ ಬೊರೊವ್ನ್ ಆಸಲ್ಲೆ, ತಾ೦ಚೆ ಆರ೦ಭ್ ಜಾ೦ವ್ಚೆ ಆದಿ೦ಚ್ ತೆ ನಿರ್ಧಾರಿತ್ ಕೆಲ್ಲೆ." (ಕೀರ್ತನ್. 139:13:16)
ಅವಯ್ಚಾ ಗರ್ಭಾ೦ತ್ ದವರ್ಯಾೀರ್ ಘಡಿಯೆ ಥಾವ್ನ್ ಹರ್ಯೆಕ್ ಘಡಿ ದೇವ್ ಆಮ್ಕಾ೦ ಸಾ೦ಗ್ತಾ೦ "ಭಿಯೆನಾಕಾ, ಕಿತ್ಯಾಕ್ ಹಾ೦ವೆ ತುಕಾ ಸೊಡಯ್ಲಾ, ಹಾ೦ವೆ ತುಕಾ ತುಜಾ ನಾ೦ವಾನ್ ಆಪಯ್ಲಾ, ತು೦ ಮ್ಹಜೊಚ್ಚ್." (ಇಸಾಯಿಯಾ. 43:16). ಆಯ್ಚಾ ಕಾಳಾರ್, ಜಾಯ್ತೆ ಯುವಜಣ್ ನಿರಾಸ್ ಜಾಲ್ಯಾತ್, ದೆದೆಸ್ಪರ್ ಜಾವ್ನ್ ಜಿಯೆತಾತ್. ಜಾಯ್ತೆ ಜಣ್ ಜೀವ್‌ಘಾತ್ ಕರ್ನ್ ಘೆತಾತ್. ಹಾಕಾ ಕಾರಣ್, ಎಕ್ಸುರ್ಪವಣ್. ಹರ್ಯೆಕ್ ಮ್ಹನಿಸ್ ಸ೦ಸಾರಾ೦ತ್ ಸಾ೦ಗಾತ್ ಆಶೆತಾ. ಪೂಣ್ ಮನ್ಶ್ಯಾಕ್, ಹರ್ಯೆಕ್ ಘಡಿ ಮನ್ಶ್ಯಾಚೊ ಸಾ೦ಗಾತ್ ಜೊಡು೦ಕ್ ಕಷ್ಟ್. ಆಮ್ಚಿ೦ ಅವಯ್ ಬಾಪಾಯ್, ಘೊವ್ ಬಾಯ್ಲಾ೦, ಭಾವ್ ಭಯ್ಣಿ೦ ಆನಿ ಸಯ್ರಿ೦ ಧಯ್ರಿ೦ ಕೇವಲ್, ಥೊಡ್ಯಾ ವರ್ಸಾ೦ಕ್ ಮಾತ್ರ್ ತಾ೦ಚೊ ಸಾ೦ಗಾತ್ ದಿತಾತ್. ತಾ೦ಕಾ, ಆಮ್ಚೆ೦ ಸವೆ೦ ಸದಾ೦ಕಾಲ್ ಜಿಯೆ೦ವ್ಕ್ ಸಾಧ್ಯ್ ನಾ೦. ಪೂಣ್ ದೆವಾಕ್ ಹೆ ಸಾಧ್ಯ್. ದೆಕುನ್೦ಚ್ ದೆವಾಚೆ೦ ಉತಾರ್ ಮ್ಹಣ್ತಾ೦ "ಪಳೆ, ಹಾ೦ವೆ೦ ತುಜೆ೦ ನಾ೦ವ್, ಮ್ಹಜಾ ಹಾತಾ೦ಚ್ಯಾ ತಾಳ್ವ್ಯಾ೦ಚೆರ್ ಬರಯ್ಲಾ೦, ತುಜೊ ವಣ್ತಿ ಸದಾ೦ಚ್ ಮ್ಹಜಾ ದೊಳ್ಯಾ೦ ಮುಖಾರ್ ಆಸಾತ್." (ಇಸಾಯಿಯಾ. 49:16)
ಆಮ್ಕಾ೦ ಕಷ್ಟ್, ನಷ್ಟ್, ಸ೦ಕಷ್ಟ್ ಜಾತಾನಾ, ತಾಳ್ನ್ಯೊ, ವಡ್ನ್ಯೊ ದೊಸ್ತಾನಾ೦, ಭೆ೦, ಭಿರಾ೦ತ್, ಆಕಾ೦ತ್ ಭಗ್ತಾನಾ, ಆಮಿ೦ ಆಮ್ಚ್ಯಾ೦ ಸ೦ಸಾರಿ೦ ಮನ್ಶ್ಯಾ೦ಕ್, ಆಮ್ಚೆ ಕಷ್ಟ್ ನಿವಾರು೦ಕ್ ಪಳೆತಾ೦ವ್. ಪೂಣ್ ಸ೦ಸಾರಾ೦ತ್ಲೆಚ್ಚ್ ಆಮ್ಕಾ೦ ಸಾ೦ಡ್ತಾತ್. ಆಮ್ಚೊಚ್ಚ್ ಬಾಪಾಯ್ ವ ಅವಯ್, ಭಾವ್ ವ ಭಯ್ಣಿ೦, ಆಮ್ಕಾ೦ ಸಾ೦ಡ್ಲ್ಯಾರೀ ಜೆಜು ಆಮ್ಕಾ೦ ಕೆದಿ೦ಕ್‌ಚ್ಚ್ ಸಾ೦ಡಿನಾ೦. ಕಿತ್ಯಾಕ್ ದೆವಾಚೆ೦ ಉತಾರ್ ಆಮ್ಕಾ೦ ಸಾ೦ಗ್ತಾ೦ "ಹಾ೦ವೆ ತುಕಾ ಫರ್ಮಾಯ್ಲಾ೦ ನ್ಹಯ್? ಧೃಡ್ ಆನಿ ಥಿರ್ ರಾವ್, ಭಿಯೆನಾಕಾ ಆನಿ ಧಯ್ರ್ ಸಾ೦ಡಿನಾಕಾ, ಕಿತ್ಯಾಕ್ ಸರ್ವೆಸ್ಪರ್ ತುಜೊ ದೇವ್ ತು೦ ಖೈ೦ ಗೆಲ್ಯಾರ್‌ಯೀ ತುಜೆ೦ ಸವೆ೦ ಆಸ್ತಲೊ." (ಜೊಶ್ವಾ. 1:9)
ದೆವಾಚಾ ಭಡ್ವ್ಯಾನ್, ಜೆದ್ನಾ೦ ಜುಜೆಕ್ ಸಾ೦ಗ್ಲೆ೦, "ಭಿಯೆನಾಕಾ ಏಕ್ ಅ೦ಕ್ವಾರ್ ಚಲಿ ಗರ್ಭೆಸ್ತ್ ಜಾತೆಲಿ ಅನಿ ಏಕಾ ಪುತಾಕ್ ಪ್ರಸೂತ್ ಜಾತಲಿ ಆನಿ ತಾಕಾ ಇಮ್ಮಾನುಎಲ್ ಮ್ಹಣೊನ್ ಆಪಯ್ತಲೆ. 'ಇಮ್ಮಾನುಎಲ್' ಮ್ಹಳ್ಯಾರ್ ದೇವ್ ಆಮ್ಚೆ೦ ಸಾ೦ಗಾತಾ, ಮ್ಹಣ್ ಅರ್ಥ್." (ಮಾತೆವ್. 1:23). ಜೆಜುನ್ ಆಪ್ಲ್ಯಾ ಶಿಸಾ೦ಕ್ ವಿ೦ಚುನ್ ಕಾಡ್ನ್ ತಾ೦ಕಾ ಪದ್ವಿ ದೀವ್ನ್ ಮ್ಹಳೆ೦ "ವಚಾ ಆನಿ ಸಮೇಸ್ತ್ ಪರ್ಜಾ೦ಚೆ೦ ಶಿಸ್ ಕರಾ, ಬಾಪಾಚೆ ಆನಿ ಪುತಾಚೇ ಆನಿ ಪವಿತ್ರ್ ಆತ್ಮ್ಯಾಚೇ ನಾ೦ವಿ ತಾ೦ಕಾ ಪವಿತ್ರ್ ಸ್ನಾನ್ ದಿಯಾ, ಅನಿ ಹಾ೦ವೆ ದಿಲ್ಲ್ಯೊ ಸರ್ವ್ ಆಜ್ನಾ ಪಾಳು೦ಕ್ ತಾ೦ಕಾ ಶಿಕಯಾ, ಆನಿ ಹಾ೦ವ್ ಸದಾ೦ಕಾಲ್ ಸ೦ಸಾರಾಚೆ ಅಖೇರ್ ಪರ್ಯಾ೦ತ್ ತುಮ್ಚೆ೦ ಸಾ೦ಗಾತಾ ಆಸ್ತಲೊ೦ ಮ್ಹಣ್ ಉಗ್ಡಾಸ್ ದವರಾ." (ಮಾತೆವ್. 28:19-20). ಹಿಚ್ಚ್ ಭಾಸಾವ್ಣಿ೦ ಜೆಜು, ಆಜ್ ತುಕಾ ಆನಿ ಮ್ಹಾಕಾ ದಿತಾ.
ದೆಕುನ್, ಭಾವಾ೦ ಭಯ್ಣಿ೦ನೊ, ದೆವಾಚಿ ಹಿ ಭಾಸಾವ್ಣಿ ಆಮಿ೦ ಮತಿ೦ತ್ ದವರ್ಯ್ಯಾ೦. ಹರ್ಯೆಕ್ ಘಡಿ ದೇವ್ ಹಿ೦ಚ್ಚ್ ಉತ್ರಾ೦ ಪರತ್ ಪರತ್ ಆಮ್ಚ್ಯಾ ಕಾನಾ೦ತ್ ಘಾಲ್ತಾ ಆನಿ ಆಮ್ಕಾ೦ ನವೆ೦ ಧಯ್ರ್ ಆನಿ ಭೊಳ್ ದಿತಾ ಮ್ಹಣೊನ್ "ಭಿಯೆನಾಕಾ ಮ್ಹಜಾ ಬಾಳಾ ಹಾ೦ವ್ ತುಜೆ ಸವೆ೦ ಆಸಾ೦".
Written by Sharon Pinto, Bondel