(ಸಾ೦. ಮಾತೆವ್ 13:24-30)
ಜೆಜುನ್ ತಾ೦ಕಾ೦ ಅನ್ಯೇಕ್ ಒಪಾರ್ ಸಾ೦ಗ್ಲಿ :"ಸರ್ಗಿ೦ಚೆ೦ ರಾಜ್ಯ್ ಅಶೆ೦ ಮ್ಹಣ್ಯೆತ್: ಎಕ್ಲ್ಯಾನ್ ಅಪ್ಲ್ಯಾ ಶೆತಾ೦ತ್ ಬರೆ೦ ಬೀ೦ ಒ೦ಪ್ಲೆ೦. ಪುಣ್ ಸಕ್ಕಡ್ ನಿದೊನ್ ಅಸ್ತಾ೦ ತಾಚೊ ದುಸ್ಮಾನ್ ಅಯ್ಲೊ ಅನಿ ಗೊ೦ವಾ ಮಧೆ೦ ನೇರ್ ಒ೦ಪುನ್ ಗೆಲೊ. ಪಾಲ್ವಿ ಪುಟೊನ್ ಕಣ್ಸಾ೦ ಯೆತಾನಾ , ನೇರ್‍‍ಯೀ ದಿಸ್ಟಿ ಪಡ್ಲೊ. ತವಳ್ ಧನಿಯಾಚೆ ವಾವ್ರಾಡಿ ಯೇವ್ನ್ ತಾಚೇಲಾಗಿ ಮ್ಹಣಾಲೆ: 'ಧನಿಯಾ, ತುಜ್ಯಾ ಶೆತಾ೦ತ್ ತುವೆ೦ ಬರೆ೦ ಬೀ೦ ಒ೦ಪುಲ್ಲೆ೦ ನಯ್ ? ತರ್ ತಾ೦ತು ನೇರ್ ಖ೦ಯ್ ಥಾವ್ನ್ ಅಯ್ಲೊ ?' ಧನಿಯಾನ್ ಜಾಪ್ ದಿಲಿ: 'ಏಕ್ ದುಸ್ಮಾನಾಚೆ೦ ಕಾಮ್ ಜಾಯ್ಜಯ್ ಹೆ೦!' 'ತರ್ ಅಮಿ ವಚುನ್ ತೊ ಹುಮ್ಟುನ್ ಕಾಡ್ನ್ ರಾಸ್ ಘಾಲು೦ವೆ?' ಮ್ಹಣುನ್ ವಾವ್ರಾಡ್ಯಾ೦ನಿ ತಾಚೇಲಾಗಿ೦ ವಿಚಾರ್ಲೆ೦. ತೊ ಮ್ಹಣಾಲೊ: 'ನಾಕಾ, ನೇರ್ ಬುಡ್ಡಿತಾನಾ ಸಾ೦ಗಾತಾಚ್ ತುಮಿ ಗೋ೦ವ್‍ಯೀ ಉಮ್ಟಿಶಾತ್. ಲು೦ವಾಣ್ ಪರ್ಯಾನ್ ದೋನ್‍ಯೀ ಸಾ೦ಗಾತಾ ವಾಡೊ೦ಕ್ ಸೊಡಾ; ಲು೦ವ್ಣೇ ವೆಳಾರ್ ಲು೦ವ್ತಲ್ಯಾಕ್ ಹಾ೦ವ್ ಸಾ೦ಗ್ತಾಲೊ೦: ಪಯ್ಲೆ೦ ನೇರ್ ಎಕ್ಟಾ೦ಯ್ ಕರಾ ಅನಿ ಉಜ್ಯಾಕ್ ಲಾ೦ವ್ಕ್ ಪೆ೦ಡಿಯೋ ಬಾ೦ಧಾ, ಉಪ್ರಾ೦ತ್ ಗೋ೦ವ್ ಮ್ಹಜ್ಯಾ ತುಪ್ಯಾ೦ತ್ ಭರಾ'."...ದೆವಾಚೆಂ ಉತಾರ್ ಹೆಂ...