ಜೆಜು ಏಕ್ ಭೆರ್ಯಾ ಮೊನ್ಯಾಕ್ ಬಾರೋ ಕರ್ತಾ

ಮಾರ್ಕ್ 7 : 31 - 37

 

ಜೆಜು ತೀರ್ ಆನಿ ಸಿದೊನ್ ವೆಚೇ ವಾಟೇನ್ ಮುಖಾರ್ ಸರ್ನ್,ದೆಕಾಪೊಲಿಸ್ ಮ್ಹಣ್ಜೇ ಧಾ -ಶಹರಾಂ ಗಾoವಾಂತ್ಲ್ಯಾನ್ ಉತ್ರೊನ್, ಗಾಲಿಲೆಯಾ ಸರೋವರಾಚೆ ತಡಿಕ್ ಯೇವ್ನ್ ಪಾವ್ಲೊ. ಹಾಂಗಾ ಲೊಕಾನ್ ಏಕ್ ಭೆರ್ಯಾಮೊನ್ಯಾಕ್ ತಾಚೆ ಸರ್ಶಿಂ ಹಾಡ್ಲೊ ಆನಿ ತಾಚೆ ವಯ್ರ್ ತಾಣೆಂ ಹಾತ್ ದವರಿಜಯ್ ಮ್ಹಣುನ್ ತಾoಣಿಂ ಮಾಗ್ಲೆಂ. ಜಮ್ಯಾ ಮಧ್ಲೊ ತಾಕಾ ಕುಶಿನ್ ಆಪೊವ್ನ್, ಜೆಜುನ್ ತಾಚ್ಯಾ ಕಾನಾಂನಿ ಆಪ್ಲಿಂ ಬೊಟಾಂ ಘಾಲಿಂ ಆನಿ ಆಪ್ಲಿ ಥಿಂಪಿ ಕಾಡ್ನ್ ತಾಚೆ ಜಿಬೆಕ್ ಲಾಯ್ಲಿ. ಉಪ್ರಾಂತ್ ಸರ್ಗಾಕ್ ದೀಷ್ಟ್ ಲಾವ್ನ್ ತೊ ಸುಸ್ಕಾರ್ಲೊ ಆನಿ ಮ್ಹಣಾಲೊ: ''ಎಫ್ಫತಾ'' ಮ್ಹಣ್ಜೇ ''ಉಗ್ತೆಂ ಜಾ''. ತಕ್ಷಣ್ ಚ್ ತಾಚೆ ಕಾನ್ ಉಘಡ್ಲೆ ಆನಿ ತಾಚೆ ಜಿಬೆಚೊ ಬಾಂಧ್ ಸುಟ್ಲೊ ಆನಿ ತೊ ಸಾರ್ಕೊ ಉಲೊಂವ್ಕ್ ಲಾಗ್ಲೊ. ಹಿ ಸಾಂಗತ್ ಕೊಣಾಕ್ ಚ್ ಸಾಂಗಿನಯೆ ಮ್ಹಣುನ್ ಜೆಜುನ್ ಥಂಯ್ ಅಸ್ಲಲ್ಯಾoಕ್ ತಾಕಿದ್ ದಿಲಿ. ಪುಣ್ ಜಿತ್ಲೆಂ ಚಡ್ ಸಾಂಗಿನಯೆ ಮ್ಹಣುನ್ ತೊ ಫರ್ಮಾಯ್ತಲೊ, ತಿತ್ಲೆಂ ಚಡ್ ತಿಂ ಗಾಜಯ್ತ್ ಗೆಲಿಂ.ಆನಿ ಆಯ್ಕಲ್ಲಿಂ ಸರ್ವ್ ವಿಜ್ಮಿತ್ ಜಾವ್ನ್ ಮ್ಹ ಣ್ತಾಲಿಂ: ''ಹಾಣೆo ಸಗ್ಳೆಂ ಬರೆಂ ಕೆಲೆಂ! ಭೆರ್ಯಾಂನಿ ಸಯ್ತ್ ಆಯ್ಕಾಶೆಂ ಆನಿ ಮೊನ್ಯಾಂನಿ ಸಯ್ತ್ ಉಲಯ್ಶೆಂ ಕೆಲೆಂ.''

ದೆವಾಚೆಂ ಉತಾರ್ ಹೆಂ.