"ಸುರ್ಯಾಚೆರ್, ಚಂದ್ರಾಚೆರ್ ಆನಿ ನೆಕೆತ್ರಾಂಚೆರ್ ಖುಣಾ ದಿಷ್ಟಿ ಪಡ್ತಲ್ಯೊ. ಭುಂಯ್ಚೆರ್ ದರ್ಯಾಚಿ ಆನಿ ಉಚಾಂಬಳ್ ಲ್ಹಾರಾಂಚಿ ಗಾಜ್ ಆಯ್ಕುನ್ ಲೋಕ್ ಭಿಯಾನ್ ಕಂಗಾಲ್ ಜಾತಲೊ. ಅಂತ್ರಾಳಾಚ್ಯೊ ಸಕ್ತ್ಯೊಚ್ ಲಕ್ತಲ್ಯೊ ಜಾಲ್ಲ್ಯಾನ್, ಸಂಸಾರಾರ್ ಕಿತೆಂ ಘಡೊಂಕ್ ಆಸಾ ತೆಂ ಕೋಣ್ ಜಾಣಾ ಮ್ಹಣ್ ಚಿಂತುನ್, ಮನಿಸ್ ಭಿಯಾನ್ ಶಿರಿಂ ಸುಕ್ತಲೆ. ತೆದ್ವಾಂ ಮನ್ಶಾಪೂತ್ ವರ್ತೇ ಪದ್ವೆನ್ ಆನಿ ಮಹಿಮೆನ್ ಕುಪಾಂಚೆರ್ ಆಯ್ಲಲೊ ದಿಷ್ಟಿ ಪಡ್ತಲೊ. ಹ್ಯೊ ಸರ್ವ್ ಸಂಗ್ತಿ ಘಡೊಂಕ್ ಸುರು ಜಾಲ್ಯೊ ಮ್ಹಣ್ತಾನಾ, ಧೈರಾನ್ ಉಬೆ ರಾವಾ ಆನಿ ತುಮ್ಚ್ಯೊ ತಕ್ಲ್ಯೊ ಉಬಾರ್ನ್ ಧರಾ; ಕಿತ್ಯಾಕ್ ತುಮ್ಚಿ ಸೊಡ್ವಣ್ ಲಾಗಿಂ ಪಾವ್ಲ್ಯಾ ಮ್ಹಣ್ ಜಾಣಾ ಜಾಯಾ."
ಜಾಗ್ರುತ್ ಆಸುಂಕ್ ಚತ್ರಾಯ್
"ತುಮ್ಚೇರ್‌ಚ್ ಚತ್ರಾಯೆಚೊ ದೊಳೊ ದವರಾ! ಫೆಸ್ತಾಂ ಮಾರ್ಚ್ಯಾ೦ತ್, ಅಮಲ್ ಪಿಯೊಣ್ಯಾಂತ್ ಆನಿ ಹೇ ಜಿಣಿಯೆಚ್ಯಾ ರಾಟಾವಳಿಂನಿ ತುಮ್ಚಿಂ ಅಂತಸ್ಕರ್ನಾಂ ದಾಡ್ಡಿಂ ಜಾತಿತ್ ಆನಿ ತೊ ದೀಸ್ ಚಿ೦ತಿನಾತ್‌ಲ್ಲ್ಯಾ ವೆಳಾರ್ ಪಾಸ್ ಪಡ್‌ಲ್ಲೇಬರಿ ತುಮ್ಚೇರ್ ಯೇತ್. ಸಂಸಾರಾಂತ್ ಜಿಯೆತಲ್ಯಾ ಸಮೆಸ್ತ್ ಮನ್ಶಾಂಚೆರ್ ತೊ ದೀಸ್ ಯೆತಲೊಚ್. ದೆಕುನ್ ಘಡ್ಚಿಂ ಆಸಾತ್ ತ್ಯಾ ಸರ್ವ್ ಘಡಿತಾಂತ್ಲೆ ತುಮಿ ಶಾಬಿತಾಯೆನ್ ಸುಟೊಂಕ್ ಆನಿ ಮನ್ಶಾಪುತಾ ಸಮೊರ್ ಉಬೆ ರಾವುಂಕ್ ತುಮಿ ಯೋಗ್ಯ್ ಜಾಯ್ಶೆಂ ಖಳನಾಸ್ತಾನಾ ಮಾಗ್ಣೆಂ ಕರುನ್ ಜಾಗ್ರುತ್ ರಾವಾ.