ಸೊಮಿಯಾಚ್ಯಾ ಪುನರ್ ಯೆಣ್ಯಾಕ್ ಆಯ್ತಿಂ ರಾವಾ
ಥೆಸ್ಸಾಲೋನಿಕಾಗಾರಾಂಕ್ ಪಯ್ಲೆಂ ಪತ್ರ್ 5 : 1 - 11
ಭಾವಾಂಭಯ್ಣಿoನೋ, ಖಂಯ್ಚ್ಯಾ ವೆಳಾರ್ ಆನಿ ಖಂಯ್ಚೇ ಘಡಿಯೇ ಹೆಂ ಘಡ್ತಲೆಂ ಮ್ಹಣ್ ಹಾಂವೆಂ ತುಮ್ಕಾಂ ಬರೊಂವ್ಚಿ ಗರ್ಜ್ ನಾ. ಸೊಮಿಯಾಚೊ ದೀಸ್ ರಾತಿಕ್ ಯೆತಲ್ಯಾ ಚೊರಾಬರಿ ಯೆತಲೊ ಮ್ಹಣ್ ತುಮಿಚ್ ಬರಿಂ ಜಾಣಾಂತ್. " ಆತಾಂ ಆಸಾ ಸಮಾಧಾನ್ ಆನಿ ಸುರಕ್ಷಿತಾಯ್" ಮ್ಹಣ್ ಲೋಕ್ ಮ್ಹಣ್ತಾನಾಚ್ ಗರ್ಭೆಸ್ತ್ ಸ್ತ್ರಿಯೆಕ್ ಪ್ರಸೂತ್ ಕಾಳಾರ್ ಯೆಣೋ ಆಯ್ಲಲೆಬರಿ ಎಕಚ್ಚಾಣೆ ತಾಂಚೇ ವಯ್ರ್ ವಿಬಾಡ್ ದೆಂವ್ತಲೊ ಆನಿ ತಾಂತ್ಲಿಂ ಚುಕೊವ್ನ್ ಘೇಂವ್ಕ್ ತಿಂ ಸಕ್ಚಿನಾಂತ್. ಪುಣ್ ತುಮಿ, ಭಾವಾಂಭಯ್ಣಿoನೋ, ಕಾಳೊಕಾಂತ್ ನಾಂತ್. ದೆಕುನ್ ತೊ ದೀಸ್ ಏಕ್ ಚೊರಾಬರಿ ಯೇವ್ನ್ ತುಮ್ಕಾಂ ಸಾಂಪ್ದಾವ್ನ್ ಘಾಲಿಸೊನಾ ತುಮಿ ಸಮೆಸ್ತ್ ಉಜ್ವಾಡಾಚಿಂ ಭುರ್ಗಿಂ, ದಿಸಾಚಿಂ ಭುರ್ಗಿಂ; ಆಮಿ ರಾತಿಚಿಂಯೀ ನ್ಹಯ್, ಕಾಳೊಕಾಚಿಂಯೀ ನ್ಹಯ್. ದೆಕುನ್ ಹೆರಾಂಬರಿ ಆಮಿ ನೀದ್ ಕಾಡುಂಕ್ ನಜೊ; ಬಗರ್ ಜಾಗ್ರುತ್ ಆನಿ ಚತುರ್ ರಾವ್ಯಾಂ. ನಿದ್ತಲೆ ರಾತಿಚೆಂ ನಿದ್ತಾತ್; ಅಮಲ್ ಜಾತಲೆ ರಾತಿಚೆಂ ಅಮಲ್ ಜಾತಾತ್. ಪುಣ್ ದಿಸಾ ಉಜ್ವಾಡಾಚಿಂ ಆಮಿ ಮೀತ್ ಸಾಂಬಾಳ್ನ್ ರಾವ್ಯಾಂ; ಭಾವಾರ್ಥಾಚೆಂ ಆನಿ ಮೊಗಾಚೆಂ ಕವಚ್ ಆಮಿ ನೆಸ್ಯಾಂ; ಬಚಾವೆಚೊ ಭರ್ವಸೊ ಜಾಂವ್ ಆಮ್ಚೆಂ ಶಿರಾಸ್ತ್ರಾಣ್. ದೆವಾನ್ ಆಮ್ಕಾಂ ಆಪ್ಲ್ಯಾ ಕ್ರೋಧಾಕ್ ಮ್ಹಣ್ ನಿರ್ಮುಂಕ್ ನಾಂತ್, ಬಗರ್ ಸೊಮಿಯಾ ಜೆಜು ಕ್ರಿಸ್ತಾ ಉದೆಶಿಂ ಸೊಡ್ವಣ್ ಜೊಡುಂಕ್ ಆಮ್ಕಾಂ ನಿರ್ಮಿಲ್ಯಾಂತ್. ಆಮಿ ಜಿವಂತ್ ಅಸುಂ ವಾ ಮೊರ್ನ್ ವಚುಂ, ತಾಚೆ ಸಾಂಗಾತಾ ಆಮಿ ಜಿಯೆಜಯ್ ಮ್ಹಣ್ ತೊ ಆಮ್ಚೇ ಪಾಸತ್ ಮೆಲೊ. ಅಶೆಂ ಆಸ್ತಾಂ, ತುಮಿ ಎದೊಳ್ ಪರ್ಯಾನ್ ಕೆಲಾಂ ತಶೆಂ ಏಕಾಮೆಕಾಕ್ ಧೈರ್ ಆನಿ ಸಹಕಾರ್ ದೀವ್ನ್ ಫುಡೆಂ ಸರಾ.
ದೆವಾಚೆಂ ಉತಾರ್ ಹೆಂ