ರೀಣ್

ಸಿರಾಖ್ 29 :1 - 7 

ಆಪ್ಲ್ಯಾ ಪೆಲ್ಯಾಕ್ ರೀಣ್ ದಿತಾ ತೊ ಏಕ್ 

ದಯಾಳ್ ಕರ್ಣಿ ಕರ್ತಾ,

ತಾಕಾ ಆಪ್ಲ್ಯಾ ಆಧಾರಾಚೊ ಹಾತ್ ದಿತಾ ತೊ 

ಆಜ್ಞಾ ಪಾಳ್ತಾ.

ತುಜೊ ಪೆಲೊ ಗರ್ಜೆಂತ್ ಆಸ್ತಾನಾ ತಾಕಾ

ರೀಣ್ ದಿ,

ಆನಿ ತುವೆಂ ಘೆತುಲ್ಲೆಂ ರೀಣ್ ಫಾರಿಕ್ ಕರ್ಚೊ

ವೇಳ್ ಯೆತಾನಾ

ತೆಂ ತುಜ್ಯಾ ಪೆಲ್ಯಾಕ್ ಫಾರಿಕ್ ಕರ್.

ತುವೆಂ ತಾಕಾ ದಿಲ್ಲೆಂ ಉತಾರ್ ಪಾಳ್ ಆನಿ

ತಾಕಾ ವಿಶ್ವಾಸಿ ರಾವ್,

ಆನಿ ತುಜಾ ಸರ್ವ್ ಗರ್ಜಾಂನಿ ತುಕಾ ಕುಮಕ್

ಮೆಳ್ತಲಿ.

ಜಾಯ್ತೆ ಜಣ್ ಘೆತ್ ಲ್ಲೆಂ ರೀಣ್ ಅವ್ಚಿತ್

ಮೆಳ್ ಲ್ಲೆಂ ದಿರ್ವೆಂ ಮ್ಹಣ್ ಲೆಖ್ತಾತ್

ಆನಿ ತಾಂಕಾಂ ಆಧಾರ್ ಕೆಲ್ಲ್ಯಾಂಕ್ ಕಷ್ಟಾಂತ್

ಘಾಲ್ತಾತ್.

ಎಕಾ ಮನ್ಶಾಕ್ ಕಾಂಯ್ ಇಲ್ಲೆಂ ಮೆಳಸರ್

ತೊ ಆಪ್ಲ್ಯಾ ಪೆಲ್ಯಾಚಾ ಹಾತಾಚೊ ಉಮೊ ಘೆತಾ

ಆನಿ ತಾಚೆ ಗ್ರೆಸ್ತ್ ಕಾಯೆಕ್ ಲಾಗುನ್

ತಾಚೆ ಲಾಗಿಂ ನಮ್ರತಾಯೆನ್ ಉಲಯ್ತಾ;

ಪೂಣ್ ರೀಣ್ ಫಾರಿಕ್ ಕರ್ಚೊ ವೇಳ್ ಯೆತಾನಾ

ತೊ ಘಳಾಯ್ ಕರ್ತಾ.

ತೊ ಪೊಕಳ್ ಭಾಸಾವ್ಣ್ಯೊ ದಿತಾ ಆನಿ

ಪರಿಸ್ಥಿತಿಕ್ ಗುನ್ಯಾoವ್ಕಾರ್ ಕರ್ತಾ.

ತಾಕಾ ರೀಣ್ ಫಾರಿಕ್ ಕರುಂಕ್ ಲಾಯ್ಲೆಂ

ಜಾಲ್ಯಾರ್ ಯೀ,

ರೀಣ್ ದಿಲ್ಲ್ಯಾ ಮನ್ಶಾಚ್ಯಾನ್ ತಾಂತ್ಲೆಂ ಫಕತ್

ಅರ್ದೆಂ ವಸುಲ್ ಕರುಂಕ್ ಜಾತಾ

ಆನಿ ತೆಂ ತೊ ಆಪ್ಣಾಕ್ ಅವ್ಚಿತ್ ಮೆಳ್ ಲ್ಲೆಂ

ದಿರ್ವೆಂ ಮ್ಹಣ್ ಲೆಖ್ತಾ.

ನಾ ತರ್, ತೊ ಆಪ್ಲೊ ದುಡು ಹೊಗ್ದಾಯ್ತಾ

ಆನಿ ಫುಕಾಟ್ಯಾಕ್ ಆಪ್ಣಾಕ್ ಏಕ್ ದುಸ್ಮಾನ್

ಕರುನ್ ಘೆತಾ;

ರೀಣ್ ಘೆತ್ ಲ್ಲೊ ಮನಿಸ್ ಸೊವೆಶಿರಾಪಾಂನಿ

ತಾಕಾ ಫಾರಿಕ್ ಕರ್ತಲೊ.

ಥೊಡೆ ಜಣ್, ಹಿಮ್ಟೆಪಣಾಕ್ ಲಾಗುನ್ ನ್ಹಯ್

ಜಾಲ್ಯಾರ್ ಯೀ,

ರೀಣ್ ದಿಂವ್ಕ್ ಪಾಟಿಂ ಸರ್ತಾತ್;

ಆಪುಣ್ ಕಾರಣ್ ನಾಸ್ತಾಂ ಫಸೊವ್ನ್ ಪಡ್ತಿತ್

ಮ್ಹಣ್ ತೆ ಭಿಯೆತಾತ್.ದೆವಾಚೆಂ ಉತಾರ್ ಹೆಂ