ಜುವಾoವ್ಚೆಂ ಪಯ್ಲೆಂ ಪತ್ರ್ 4 : 1 -6
ಮೊಗಾಚ್ಯಾoನೋ, ಹರ್ಯೇಕ್ ಪ್ರೇರಕ್ ಅತ್ಮ್ಯಾಕ್ ತುಮಿ ಪತ್ಯೆನಾಕಾತ್. ಪ್ರೇರಕ್ ಅತ್ಮೆ ದೇವಾ ಥಾವ್ನ್ ಆಯ್ಲ್ಯಾತ್ ಮ್ಹಣ್ ಪಳೆoವ್ಕ್ ತಾಂಚಿ ಪರೀಕ್ಷಾ ಕರಾ. ಕಿತ್ಯಾಕ್ ಸಂಸರಾಂತ್ ಆತಾಂ ಸಬಾರ್ ಫಟ್ಕಿರೆ ಪ್ರವಾದಿ ಭರ್ಲ್ಯಾತ್. ದೆವಾ ಥಾವ್ನ್ ಯೆತಲ್ಯಾ ಅತ್ಮ್ಯಾಚಿ ಒಳಕ್ ತುಮಿ ಧರ್ಚಿ ರೀತ್ ಹಿ: ಜೆಜು ಕ್ರೀಸ್ತ್ ಮನಿಸ್ ಜಾವ್ನ್ ಆಯ್ಲಾ ಮ್ಹಣ್ ಒಳ್ಕತಲೊ ಹರ್ಯೇಕ್ ಅತ್ಮೊ ದೆವಾ ಥಾವ್ನ್ ಯೆತಾ. ದೆಕುನ್ ಜೆಜುಕ್ ಹೇ ಪರಿಂ ಒಳ್ಕನಾಸ್ಲಲೊ ಖಂಯ್ಚೊಯ್ ಅತ್ಮೊ ದೆವಾ ಥಾವ್ನ್ ಯೇನಾ ಮ್ಹಣುನ್ ಸಾಂಗ್ಯೆತ್. ತೊ ಅತ್ಮೊ ಕ್ರಿಸ್ತಾ ವಿರೋಧ್ಯಾ ಥಾವ್ನ್ ಯೆತಾ. ತೊ ಯೆತಲೊ ಮ್ಹಣುನ್ ತುಮಿ ಆಯ್ಕಲಾಂ; ತೊ ಹ್ಯಾ ಸಂಸಾರಿಂ ಎದೊಳ್ ಚ್ ಆಯ್ಲಲೊ ಆಸಾ.
ಪುಣ್ ಭುರ್ಗ್ಯಾoನೋ, ತುಮಿ ದೆವಾಚ್ಯಾ ಘರಾಣ್ಯಾಚಿಂ . ತ್ಯಾ ಕಪಟಿ ಪ್ರವಾದ್ಯಾಂಚೆರ್ ಜಯ್ತ್ ವ್ಹೆಲ್ಲಿಂ; ಕಾರಣ್, ತುಮ್ಚೆ ಸವೆಂ ಆಸಾ ತೊ ಅತ್ಮೊ ಸಂಸಾರಾ ಸವೆಂ ಅಸ್ಲಲ್ಯಾ ಅತ್ಮ್ಯಾ ಪ್ರಾಸ್ ಚಡ್ ಬಳಾದಿಕ್. ತಿಂ ಸಂಸಾರಾಚಿಂ; ದೆಕುನ್ ಸಂಸಾರಾಚಿ ಭಾಸ್ ತಿಂ ಉಲಯ್ತಾತ್ ಆನಿ ಸಂಸಾರ್ ತಾಂಕಾಂ ಕಾನ್ ದಿತಾ. ಪುಣ್ ಆಮಿ ದೆವಾಚಿಂ. ಜೊ ಕೊಣ್ ದೆವಾಕ್ ಒಳ್ಕತಾ ತೊ ಆಮ್ಕಾಂ ಒಳ್ಕತಾ; ಜೊ ಕೊಣ್ ದೆವಾಚೊ ನ್ಹಯ್ ತೊ ಆಮ್ಕಾಂ ಕಾನ್ ದೀನಾ. ಹಾಚೇವರ್ವಿಂ ಸತಾಚ್ಯಾ ಆನಿ ಫಟ್ಕಿರ್ಯಾ ಅತ್ಮ್ಯಾಂ ಮಧೆಂ ಆಸ್ಲಲೊ ತಫಾವತ್ ಆಮಿ ಪಾರ್ಕಿತಾಂವ್.
-ದೆವಾಚೆಂ ಉತಾರ್ ಹೆಂ