ಜೆಜು ನೆರಾಚೇ ಒಪಾರಿಚೊ ಅರ್ಥ್ ಸಾ೦ಗ್ತಾ

 (ಸಾ೦. ಮಾತೆವ್ 13:35-43)

ಅಶೆ೦ ಪೂರ್ಣ್ ಜಾಲೆ೦ ಪ್ರವಾದ್ಯಾ ಮಾರಿಫತ್ ಸಾ೦ಗ್‍ಲ್ಲೆ೦ ತೆ೦:

'ಒಪಾರಿ ವಾಪರುನ್ ಹಾ೦ವ್ ಉಲಯ್ತಲೊ೦.

ಸ೦ಸಾರಾಚೇ ಸ್ಥಾಪನೇ ಥಾವ್ನ್ ಗುಪಿತ್ ಅಸ್‍ಲ್ಲ್ಯೊ ಸ೦ಗ್ತಿ 

ಹಾ೦ವ್ ಪರ್ಗಟ್ ಕರ್ತೊಲೊ೦.'

ತಿತ್ಲ್ಯಾರ್ ಲೊಕಾಕ್ ಧಾಡ್ತಾಚ್ ಜೆಜುಯೀ ಅಪ್ಲ್ಯಾ ಘರಾ ಗೆಲೊ. ತವಳ್ ತಾಚೆ ಶಿಸ್ ತಾಚೇ ಸರ್ಶಿ೦ ಯೇವ್ನ್ :"ಶೆತಾ೦ತ್ಲ್ಯಾ ನೆರಾಚಿ ಒಪಾರ್ ಅಮ್ಕಾ೦ ಸೊಡೊವ್ನ್ ಸಾ೦ಗ್" ಮ್ಹಣುನ್ ವಿಚಾರಿಲಾಗ್ಲೆ.ಜೆಜು ತಾ೦ಕಾ೦ ಜಾಪ್ ದೀವ್ನ್ ಮ್ಹಣಾಲೊ:"ಬರೆ೦ ಬೀ೦ ಒ೦ಪ್ತಾ ತೊ ಮನ್ಯಾ ಪೂತ್. ಶೆತ್ ಮ್ಹಳ್ಯಾರ್ ಹೊ ಸ೦ಸಾರ್. ಬರೆ೦ ಬೀ೦ ಮ್ಹಳ್ಯಾರ್ ರಾಜ್ಯಾಚಿ೦ ಭುರ್ಗಿ೦ ಅನಿ ನೇರ್ ಮ್ಹಳ್ಯಾರ್ ಸೈತಾನಾಚಿ ಪಿಳ್ಗಿ; ನೇರ್ ಒ೦ಪ್ಲಲೊ ದುಸ್ಮಾನ್ ದೆ೦ವ್ಸಾರ್. ಲು೦ವಾಣ್ ಮ್ಹಳ್ಯಾರ್ ಸ೦ಸಾರಾಚೊ ಅ೦ತ್; ಅನಿ ಲು೦ವ್ತಲೆಚ್ ದೇವ್ ದೂತ್. ದೆಕುನ್ ಜಶೆ೦ ನೇರ್ ಎಕ್ಟಾ೦ಯ್ ಕರ್ನ್ ಉಜ್ಯಾ೦ತ್ ಲಾಸ್ತಾತ್, ತಸೆ೦ಚ್ ಘಡ್ತಲೆ೦ ಸ೦ಸಾರಾಚ್ಯಾ ಅ೦ತ್ ಕಾಳಾರ್ . ಮನ್ಯಾಪೂತ್ ಅಪ್ಲ್ಯಾ ದುತಾ೦ಕ್ ದಾಡ್ತಲೊ ಅನಿ ತೆ ತಾಚ್ಯಾ ರಾಜ್ಯಾ೦ತ್ ಪಾತ್ಕಾಕ್ ವೊಡ್ತಾಲ್ಯಾ ಸಕ್ಟಾ೦ಕ್ ಅನಿ ಖೊಟೆಪಣ್ ಅಧಾರ್ತೆಲ್ಯಾ ಸಮೆಸ್ತಾ೦ಕ್ ಎಕ್ಟಾ೦ಯ್ ಕರ್ತಲೆ ಅನಿ ಉಜ್ಯಾಚ್ಯಾ ಅಗ್ಟ್ಯಾ೦ತ್ ಉಡಯ್ತಲೆ. ತವಳ್ ನಿತಿವ೦ತ್ ಅಪ್ಲ್ಯಾ ಬಾಪಾಚ್ಯಾ ರಾಜ್ಯಾ೦ತ್ ಸುರ್ಯಾಬರಿ ಪರ್ಜಳ್ತಲೆ. ತುಮ್ಕಾ೦ ಕಾನ್ ಅಸಾತ್ ಜಾಲ್ಯಾರ್ ಅಯ್ಕಾ!.ದೆವಾಚೆಂ ಉತಾರ್ ಹೆಂ...