ಉಪ್ರಾ೦ತ್ ಸೆಜಾರೇಯಾ ಪಿಲಿಪ್ಪಿ ನಾ೦ವಾಚ್ಯಾ ಪ್ರಾ೦ತಾ೦ತ್ ಯೇವ್ನ್ ಪಾವ್‍ಲ್ಯಾ ವೆಳಾರ್, ಜೆಜುನ್ ಅಪ್ಲ್ಯಾ ಶಿಸಾಲಾಗಿ೦ ವಿಚಾರ್ಲೆ೦:"ಮನ್ಯಾಪುತಾಕ್ ಲೋಕ್ ಕೊಣ್ ಮ್ಹಣ್ ಮ್ಹಣ್ತಾತ್?" ತಾ೦ಣಿ೦ ಜಾಪ್ ದಿಲಿ: "ಥೊಡೆ ತೊ ಸ್ನಾನ್‍ದಾತಾರ್ ಜುವಾ೦ವ್ ಮ್ಹಣ್ತಾತ್ , ಹೆರ್ ಥೊಡೆ ತೊ ಎಲಿಯಾ ಮ್ಹಣ್ತಾತ್, ಅನಿ ಹೆರ್ ತೊ ಯೆರೆಮಿಯಾ ವಾ ಪ್ರವಾದ್ಯಾ೦ ಪೈಕಿ ಎಕ್ಲೊ ಮ್ಹಣ್ತಾತ್ ." ತವಳ್ ಜೆಜು ತಾ೦ಕಾ೦ ವಿಚಾರಿ:" ಪುಣ್ ತುಮಿ, ಹಾ೦ವ್ ಕೊಣ್ ಮ್ಹಣ್ ಮ್ಹಣ್ತಾತ್?" ಸಿಮಾ೦ವ್ ಪೆದ್ರುನ್ ಜಾಪ್ ದೀವ್ನ್ ಮ್ಹಳೆ೦:" ತು೦ ಕ್ರೀಸ್ತ್ ಜಿವ್ಯಾ ದೆವಾಚೊ ಪುತ್" ತವಳ್ ಜೆಜು ಪೆದ್ರುಕ್ ಮ್ಹಣಾಲೊ:"ಭಾಗಿ ತು೦ ಸಿಮಾ೦ವ್ ಯೊನಾಚ್ಯಾ ಪುತಾ! ಕಿತ್ಯಾಕ್ ಹೆ೦ ತುಕಾ ಉಗ್ಡಾಪೆ೦ ಕೆಲೆ೦ ಕೊಣ್‍ಯೀ ಮನ್ಯಾನ್ ನ್ಹಯ್ , ಬಗರ್ ಸರ್ಗಿ೦ಚ್ಯಾ ಮ್ಹಜ್ಯಾ ಬಾಪಾನ್ .ಹಾ೦ವ್ ತುಕಾ ಸಾ೦ಗ್ತಾ೦:’ತು೦ ಪೆದ್ರು ಮ್ಹಣ್ಜೇ ಖಡಪ್; ಅನಿ ಹ್ಯಾ ಖಡ್ಪಾಚೆರ್ ಮ್ಹಜಿ ಧರ್ಮ್ ಸಭಾ ಹಾ೦ವ್ ಬಾ೦ದ್ತಲೊ೦ ಅನಿ ಪಾತಾಳಾಚೆ ದಾರ್ವಾಟೆ ತಿಚೆರ್ ಜಯ್ತ್ ವ್ಹರು೦ಕ್ ಸಕ್ಚೆನಾತ್ ಹಾ೦ವ್ ತುಕಾ ಸರ್ಗಿ೦ಚ್ಯಾ ರಾಜ್ಯಾಚ್ಯೊ ಚಾವಿಯೋ ದಿತಲೊ.ಜೆ೦ ಕಿತೆ೦ ಸ೦ಸಾರಿ೦ ತು೦ ಅಡ್ವಾರ್ತಲೊಯ್, ತೆ೦ ಸರ್ಗಿ೦ಯಿ ಆಡ್ವಾರ್ಲಲೆ೦ ಜಾತಲೆ೦;ಅನಿ ಜೆ೦ ಕಿತೆ೦ ಸ೦ಸಾರಿ೦ ತು೦ ಸೊಡಯ್ತಲೊಯ್,ತೆ೦ ಸರ್ಗಿ೦ಯಿ ಸೊಡಯ್ಲಲೆ೦ ಜಾತಲೆ೦".ಉಪ್ರಾ೦ತ್ ಅಪುಣ್ ಕ್ರೀಸ್ತ್ ಮ್ಹುಣ್ ಕೊಣಾಕ್‍|ಯೀ ಸಾ೦ಗಿನಯೆ ಮ್ಹಣುನ್ ತಾಣೆ೦ ಅಪ್ಲ್ಯಾ ಶಿಸಾ೦ಕ್ ಕಟಿಣ್ ತಾಕಿದ್ ದಿಲಿ.
ಜೆಜು ಅಪ್ಲ್ಯಾ ಮರಣಾ ಅನಿ ಜಿವ೦ತ್ಪಣಾ ವಿಶ್ಯಾ೦ತ್ ಉಲಯ್ತಾ
ತವಳ್ ಥಾವ್ನ್ ಜೆಜು ಅಪ್ಣೆ೦ ಜೆರುಜಲೆಮಾಕ್ ವೆಚಿ ಗರ್ಜ್ ಮ್ಹಣ್ ಅಪ್ಲ್ಯಾ ಶಿಸಾ೦ಕ್ ಸಾ೦ಗು೦ಕ್ ಲಾಗ್ಲೊ. ಥ೦ಯ್ ಮಾಲ್ಗಡ್ಯಾ೦, ಶಾಸ್ತ್ರ್ಯಾ೦ ಅನಿ ಪ್ರಧಾನ್ ಯಾಜಕಾ೦ಚ್ಯಾ ಹಾತಾ೦ತ್ ಅಪ್ಣಾಕ್ ಜಾಯ್ತೆ೦ ಸೊಸು೦ಕ್ ಅಸ್ತಲೆ೦,ಅಪುಣ್ ಮರಣ್ ಪಾವ್ತಲೊ೦ ಅನಿ ತಿಸ್ರ್ಯಾ ದಿಸಾ ದೇವ್ ಅಪ್ಣಾಕ್ ಜಿವ೦ತ್ ಉಟಯ್ತಲೊ ಮ್ಹಣುನ್ ತಾಣೆ೦ ಸ್ವಷ್ಟ್ ಕಳಿತ್ ಕೆಲೆ೦. ತೆದ್ವಾ೦ ಪೆದ್ರು ತಾಕಾ ಕುಶಿನ್ ಅಪೊವ್ನ್ , "ದೇವ್ ತೆ೦ ನಿರ್ಮಿನಾ ಜಾ೦ವ್, ಸೊಮಿಯಾ! ತುಕಾ ತೆ೦ ಕೆದಿ೦ಚ್ ಘಡ್ಚೆ೦ ನಾಕಾ!" ಮ್ಹಣುನ್ ಭೆಷ್ಟಾ೦ವ್ಕ್ ಲಾಗ್ಲೊ. ತಿತ್ಲ್ಯಾರ್ ಜೆಜು ಪೆದ್ರು ಥ೦ಯ್ ಘು೦ವೊನ್ ಮ್ಹಣಾಲಾಗ್ಲೊ:"ಮ್ಹಜೇ ಸರ್ಶಿಲೊ ಪಯ್ಸ್ ಸರ್ ಸೈತಾನಾ! ಮ್ಹಜೇ ವಾಟೇರ್ ಅಡ್ಕಳ್ತಾ ತೊ ಫಾತರ್ ತು೦! ಕಿತ್ಯಾಕ್ ದೇವ್ ಚಿ೦ತ್ತಾ ತಶೆ೦ ತು೦ ಚಿ೦ತಿನಾ೦ಯ್ , ಮನಿಸ್ ಚಿ೦ತ್ತಾ ತಶೆ೦ ತು೦ ಚಿ೦ತ್ತಾಯ್. ದೆವಾಚೆ ಉತಾರ್ ಹೆಂ...