ಜೊ ಮನಿಸ್ ಖೊಟ್ಯಾಂಚೆ ಬುದಿ
ಪರ್ಮಾಣೆಂ ಚಲನಾ,
ಪಾತ್ಕ್ಯಾಂಚಿ ವಾಟ್ ಧರಿನಾ.
ಆನಿ ಅಧರ್ಮ್ಯಾಂ ಸಾಂಗಾತಾ ಬಸನಾ,
ಬಗರ್ ಸರ್ವೆಸ್ಪರಾಚ್ಯಾ ಧರ್ಮ್ ಶಾಸ್ತ್ರಾಂತ್
ಸಂತೊಸ್ತಾ
ಆನಿ ದೀಸ್ ರಾತ್ ತಾಚೆಂ ಧರ್ಮ್ ಶಾಸ್ತ್ರ್
ನಿಯಾಳ್ತಾ,
ತೊ ಭಾಗಿ.
ತೊ ವಾಳ್ತ್ಯಾ ಉದ್ಕಾ ದೆಗೆರ್ ಲಾಯ್ಲಲ್ಯಾ ಎಕಾ
ರುಕಾಬರಿ,
ಜೊ ಆಪ್ಲ್ಯಾ ಕಾಳಾರ್ ಫಳ್ ದಿತಾ
ಆನಿ ತಾಚೆಂ ಪಾನಾಂ ಕೆದಿಂಚ್ ಬಾವಾನಾಂತ್.
ಜೆಂ ಸಗ್ಳೆಂ ತೊ ಕರತಾ, ತೆಂ ಸುಫಳ್ ಜಾತಾ.
ಪೂಣ್ ಖೊಟೆ ಮನಿಸ್ ತಶೆ ನ್ಹಯ್:
ತೆ ವಾರ್ಯಾಕ್ ಉಬುನ್ ವೆತಾ ತ್ಯಾ ಪೊಲಾ ಬರಿ.
ದೆಕುನ್ ಝಡ್ತೆಚಾ ವೆಳಾರ್ ಖೊಟ್ಯಾಂಕ್
ಆಸ್ಚೊ ನಾ ಥಾರೊ,
ಆನಿ ನಿತಿವಂತಾಚೆ ಸಭೆಂತ್ ಪಾತ್ಕ್ಯಾಂಕ್
ಆಸ್ಚೊ ನಾ ಜಾಗೊ.
ಕಿತ್ಯಾಕ್ ನಿತಿವಂತಾಂಚಿ ವಾಟ್ ಸರ್ವೆಸ್ಪರ್ ರಾಕ್ತಾ,
ಪೂಣ್ ಖೊಟ್ಯಾಂಚಿ ವಾಟ್ ನಾಸಾಕ್ ಪಾವಯ್ತಾ