ದೇವ್ ರಾಕಣ್ದಾರ್

ಕೀರ್ತನ್:::::::91

ಜೊ ಮನಿಸ್ ಪರಮೋನ್ನತ್ ದೆವಾಚ್ಯಾ ಆಸ್ರ್ಯಾ೦ತ್ ರಾವ್ತಾ,

ಆನಿ ಸರ್ವ್ ಪದ್ವೆದಾರಾಚೆ ಸಾವ್ಳೆoತ್ ವಸ್ತಿ ಕರ್ತಾ.

ತೊ ಸರ್ವೆಸ್ಪರಾಕ್ ಮ್ಹಣ್ತಾ;"ತುo ಮ್ಹಜೊ ಆಸ್ರೊ ಆನಿ ಮ್ಹಜೆ ಕೊಟೆo,

ತುo ಮ್ಹಜೊ ದೇವ್‌ ತುಜೆರ್ ದವರ್ತಾ ಮ್ಹಜೊ ವಿಶ್ವಾಸ್.

ತೊ ತುಕಾ ನಿವಾರ್ತಲೊ ಶಿಕಾರ್ಯಾಚ್ಯಾ ಪಾಸಾoತ್ಲೊ

ಆನಿ ಮರ್ಣಾoತಿಕ್ ಪಿಡೆoತ್ಲೊ

ಆಪ್ಲ್ಯಾ ಪಾಕಾoನಿ ತೊ ತುಕಾ ಧಾoಪ್ತಲೊ,

ತಾಚ್ಯಾ ಪಾಕಾಟ್ಯಾo ಪoದಾ ತುಕಾ ಆಸ್ರೊ ಮೆಳ್ತಲೊ.

ಡಾಲ್ ಆನಿ ಕವಚ್ ತಾಚೆo ವಿಶ್ವಾಸಿಪಣ್

ರಾತ್ಚ್ಯಾ ಆಕಾoತಾoಚಿ ದಿಸಾ ವೆಳಾರ್ ಉಬ್ತಲ್ಯಾ

ಬಾಣಾಚಿ 

ಕಸಲಿಚ್ ಭಿರಾoತ್ ತುಕಾ ಆಸ್ಚಿ ನಾ.

ಕಾಳೊಕಾoತ್ ಭೊoವ್ತಲೆ ಮಾರಿಚೆ ಪಿಡೆಕ್ 

ದೊನ್ಪಾರ್ಚೆo ನಾಸ್ ಕರ್ತಲ್ಯಾ ಖರ್ಗಾಕ್,

ತುo ಭಿಯೆoವ್ಚೊ ನಾoಯ್.

ತುಜೆ ಕುಶಿಕ್ ಹಜಾರ್ ಜಣ್ ಮರುನ್ ಪಡ್ತಿತ್ 

ಆನಿ ತುಜ್ಯಾ ಉಜ್ವ್ಯಾಕ್ ಧಾ ಹಜಾರ್,

ತರೀ ತುಜೆ ಸರ್ಶಿ೦ ಕಸಲೆoಚ್ ವಾಯ್ಟ್ 

ಪಾoವ್ಚೆ ನಾ

ಖರೆ೦ಚ್ ತುo ತುಜ್ಯಾಚ್ ದೊಳ್ಯಾoನಿ 

ಪಳೆತಲೊಯ್

ಆನಿ ನಷ್ಟ್ಯಾoಕ್ ಕಸಲಿ ಮಜುರಿ ಫಾವೊ

ಜಾತಾ ಮ್ಹಣ್ ದೆಕ್ತಲೊಯ್.

ಕಿತ್ಯಾಕ್ ಸರ್ವೆಸ್ಪರ್ ತುಜೊ ಆಸ್ರೊ 

ಪರಮೋನ್ನತ್ ದೆವಾಕ್ ತುವೆo ತುಜೆo ಕೊಟೆo

ಕರುನ್ ಘೆತ್ಲಾಯ್.

ಕಸಲೆoಚ್ ವಾಯ್ಟ್ ತುಜೆರ್ ಯೆoವ್ಚೆo ನಾ

ಮಾರಿಚಿ ಪಿಡಾ ತುಜ್ಯಾ ತoಬಾ ಸರ್ಶಿ೦ 

ಪಾoವ್ಚಿ ನಾ; 

ತುಜ್ಯಾ ಸಗ್ಳ್ಯಾ ವಾಟಾoನಿ ತುಕಾ ರಾಕ್ಚ್ಯಾಕ್ 

ಆಪ್ಲ್ಯಾ ದುತಾoಕ್ ತಾಣೆ೦ ಆಜ್ನಾ ದಿಲ್ಯಾ.

ಫಾತ್ರಾಕ್ ತುಜೊ ಪಾoಯ್ ಆದಳ್ನಾ ಜಾoವ್ಚ್ಯಾಕ್

ಆಪ್ಲ್ಯಾ ಹಾತಾoನಿ ತೆ ತುಕಾ ಸಾ೦ಬಾಳುನ್ ಧರ್ತಲೆ.

ಶಿoವಾಚೆರ್ ಆನಿ ಸೊರ್ಪಾಚೆರ್ ತುo ಚಲ್ತಲೊಯ್.

ತರುಣ್ ಶಿoವಾಕ್ ಆನಿ ನಾಗಾಕ್ ಮಸ್ತಿತಲೊಯ್.

ತೊ ಮ್ಹಜೊ ಮೋಗ್ ಕರ್ತಾ ದೆಕುನ್ ಹಾ೦ವ್ ತಾಕಾ ನಿವಾರ್ತಲೊo

ಮ್ಹಜೆ೦ ನಾ೦ವ್ ಒಳ್ಕತಾ ದೆಕುನ್ ಹಾ೦ವ್ ತಾಕಾ ರಾಕ್ತಲೊo

ತೊ ಮ್ಹಾಕಾ ಉಲೊ ಮಾರ್ತಾನಾ ಹಾ೦ವ್ 

ತಾಕಾ ಜಾಪ್ ದಿತಾo,

ಆಕಾoತಾತ್ ಹಾ೦ವ್ ತಾಚೆ ಲಾಗಿo ಆಸಾ,

ತಾಕಾ ನಿವಾರ್ತಾo ಆನಿ ತಾಕಾ ಸನ್ಮಾನ್ ಕರ್ತಾo.

ಲಾoಬ್ ಆವ್ಕ್ ದಿವ್ನ್ ತಾಕಾ ಧಾದೊಶಿ ಕರ್ತಾo,

ಮ್ಹಜೆ೦ ತಾರಾಣ್ ಪಳೆoವ್ಕ್ ತಾಕಾ ಫಾವೊ ಕರ್ತಾo.