ಜೆಜುಚಾ ಆಮೊಲಿಕ್ ರಕ್ತಾಚೆಂ ಸಂರಕ್ಷಣ್

ಸೊಮ್ಯಾ ಜೆಜು, ತುಜಾ ಭೋವ್ ಪವಿತ್ರ್ ಆನಿ ಆಮೊಲಿಕ್ ರಗ್ತಾಚೆರ್ ಹಾಂವ್ ಪರಿಪೂರ್ಣ್ ವಿಶ್ವಾಸ್ ದೊವೊರ್ತಾಂ. ತುಜೆಂ ಆಮೊಲಿಕ್ ರಗಾತ್ ಮ್ಹಜೆರ್ ಆನಿ ಮ್ಹಜಾ ಕುಟ್ಮಾಚಾ ಸರ್ವ್ ಸಾಂದ್ಯಾಂಚೆರ್ ತಕ್ಲೆ ಥಾವ್ನ್ ಪಯಾಂತಳಾ ಪರ್ಯಾಂತ್ ಶೆಣಾವ್ನ್ ಅಮ್ಚ್ಯಾ ಕುಟ್ಮಾಚೆರ್ ಸಂಪೂರ್ಣ್ ಸಂರಕ್ಷಣ್ ಹಾಂವ್ ಜೊಡುನ್ ಘೆತಾಂ.

ಸೊಮ್ಯಾ ಜೆಜು, ತುಜಾ ಭೋವ್ ಪವಿತ್ರ್ ರಗ್ತಾಚಾ ಸಕ್ತೆನ್ ಮ್ಹಾಕಾ ಆನಿಂ ಮ್ಹಜಾ ಕುಟ್ಮಾಚಾ ಸಾಂದ್ಯಾಂಕ್ ಸರ್ವ್ ಪಿಡೆoತ್ಲೆಂ, ವಾಯ್ಟಾಂ, ವಿಘ್ನಾಂತ್ಲೆಂ, ಅನ್ವಾರಾಂತ್ಲೆಂ, ಪಾತ್ಕಾಂತ್ಲೆಂ, ಸೈತಾನಾಚಾ ಆನಿ ದುಸ್ಮಾನಾಚಾ ಪಾಸಾಂತ್ಲೆಂ, ಆಕಸ್ಮಿತ್ ನಾಂ ತಯಾರ್ ಮೊರ್ನಾಂತ್ಲೆಂ ಆನಿ ಜೆ ಕಿತೆಂ ತುಜಾ ಸರ್ಗಿಂಚಾ ರಾಜಾ ವಿರೋಧ್ ವೆತಾ ತ್ಯಾ ಸರ್ವ್ ಸಂದರ್ಭಾಂತ್ಲೆಂ ತುಂ ರಾಕುನ್ ವರ್.

ಸೊಮ್ಯಾ ಜೆಜು, ತುಜಾ ಆಮೊಲಿಕ್ ರಗ್ತಾಚಾ ಭಳಾನ್ ಆನಿ ಪವಿತ್ರ್ ಆತ್ಮ್ಯಾಚಾ ಸಕ್ತೆನ್ ತುಜಿ ಜಾಣ್ವಾಯ್, ಗಿನ್ಯಾನ್ ಆನಿ ಧೈರ್ ಮ್ಹಾಕಾ ಆನಿ ಮ್ಹಜಾ ಕುಟ್ಮಾಚಾ ಸರ್ವ್ ಸಾಂದ್ಯಾಂಕ್ ತುಂ ದಿ. ಆಮ್ಚೊ ಭಾವಾಡ್ತ್ ಥಿರ್ ಕರ್. ತುಜೆಂ ಉತರ್ ಆಯ್ಕೊಂಕ್, ವಾಚುಂಕ್, ಸಮ್ಜೊನ್ ಘೆoವ್ಕ್ ಆನಿ ಸದಾಂಚ್ ತುಜಾ ಉತ್ರಾ ಪರ್ಮಾಣೆ ಜಿಯೆoವ್ಕ್ ಆಸ್ ಲ್ಲಿ ಕುರ್ಪಾ ಆನಿ ಸಕತ್ ಆಮ್ಕಾಂ ದಿ.

ಆಮ್ಚ್ಯಾ ಜಿನ್ಯೆಂತ್ ತುಜಿ ಖುಶಿ ಸದಾಂಚ್ ಜಾಣಾ ಜಾoವ್ಕ್ ಆನಿ ತುಜಾ ಖುಶೆ ಪ್ರಕಾರ್ ತುಜೊ ಆನಿ ಪೆಲ್ಯಾಚೋ ನಿಸ್ವಾರ್ಥ್ ಥರಾನ್ ಮೋಗ್ ಆನಿ ಸೆವಾ ಕರ್ನ ಜಿಯೆoವ್ಕ್ ತುಂ ಆಮ್ಕಾಂ ಫಾವೊ ಕರ್. ಅಶೆಂ ಹೆಂ ಸಂಸಾರಿ ಪಯ್ಣ್ ಕಾಬಾರ್ ಜಾತಚ್, ಸರ್ಗಾರ್ ಸಾಸ್ಣಿಕ್ ಸುಖ್ ಮ್ಹಕಾ ಆನಿ ಮ್ಹಜಾ ಕುಟ್ಮಾಚಾ ಸರ್ವ್ ಸಾಂದ್ಯಾಂಕ್ ತುಂ ಫಾವೊ ಕರ್ ಮ್ಹಣ್ ತುಜೆಲಾಗಿಂ ಪರಾತುನ್ ಮಾಗ್ತಾಂ. ಆಮೆನ್.