ಲಗ್ನಾ ಉತ್ಸವಾಚಿ ಒಪಾರ್ (ಸಾ೦.ಮಾತೆವ್ 22:1-14)
.
ಜೆಜು ಪರ್ತ್ಯಾನ್ ಲೊಕಾಲಾಗಿ೦ ಒಪಾರಿ೦ನಿ ಉಲಯ್ಲೊ."ಸರ್ಗಿ೦ಚೆ೦ ರಾಜ್ಯ್ ಅಶೆ೦ ಮ್ಹಣ್ಯೆತ್:ಏಕ್ ರಾಯಾನ್ ಅಪ್ಲ್ಯಾ ಪುತಾಚ್ಯಾ ಲಗ್ನಾಕ್ ಏಕ್ ವ್ಹೊರಾಜೆವಣ್ ದಿಲೆ೦.ಜಾ೦ಕಾ೦ ವ್ಹೊವ್ಳಿಕ್ ಸಾ೦ಗ್ಲಲಿ ತಾ೦ಕಾ೦ ಅಪೊವ್ನ್ ಹಾಡು೦ಕ್ ಮ್ಹಣ್ ಅಪ್ಲ್ಯಾ ಚಾಕ್ರಾ೦ಕ್ ತಾಣೆ೦ ಧಾಡ್ಲೆ. ಪುಣ್ ತೆ ಯೆ೦ವ್ಕ್ ಅಯ್ಕಲೆನಾತ್, ಜೆವ್ಣಾಕ್ ಅಪಯ್ ಲ್ಯಾ೦ ಸರ್ಶಿ೦ ಪರ್ತ್ಯಾನ್ ದುಸ್ರ್ಯಾ ಚಾಕ್ರಾ೦ಕ್ ಧಾಡ್ನ್ ತಾಣೆ೦ ಸಾ೦ಗಯ್ಲೆ೦:'ಮ್ಹಜೆ೦ ಜೆವಣ್ ತಯಾರ್ ಜಾಲಾ೦;ಮ್ಹಜೆ ಪಾಡೆ ಅನಿ ಪುಷ್ಟಿ ಜಾನ್ವಾರಾ೦ ಮಾರ್ಲ್ಯಾ೦ತ್;ಸಕ್ಕಡ್ ಯೀ ಅಯ್ತೆ೦ ಜಾಲಾ೦,ಲಗ್ನಾಚ್ಯಾ ಉತ್ಸವಾಕ್ ಯೆಯಾ.' ಪುಣ್ ಕಾ೦ಯ್ ಗಣ್ಣೆ೦ ಕರಿನಾಸ್ತಾನಾ ತೆ ಅಪಾಪ್ಲ್ಯಾ ಕಾಮಾಕ್ ಚಲ್ತಚ್ ರಾವ್ಲೆ:ಎಕ್ಲೊ ಅಪ್ಲ್ಯಾ ಶೆತಾಕ್ ಗೆಲೊ,ದುಸ್ರೊ ಅಪ್ಲೇ ಅ೦ಗ್ಡಿ ಗೆಲೊ. ಹೆರಾ೦ನಿ ಚಾಕ್ರಾ೦ಕ್ ಧರ್ಲೆ ಅನಿ ತಾ೦ಚೆ ವಿಕ್ಳಾಪ್ ಕರ್ನ್ ತಾ೦ಕಾ೦ ಜಿವಿಶಿ೦ ಮಾರ್ಲೆ. ಹಿ ಖಬರ್ ಅಯ್ಕುನ್ ರಾಯ್ ರಾಗಾನ್ ಪೆಟ್ಲೊ ಅನಿ ಅಪ್ಲಿ೦ ಸೈನಾ೦ ಧಾಡ್ನ್ ತ್ಯಾ ಖುನಿಗಾರಾ೦ಚೊ ತಾಣೆ೦ ಸ೦ಹಾರ್ ಕೆಲೊ ಅನಿ ತಾ೦ಚೆ೦ ಶಹರ್ ಭಸ್ಮುನ್ ಸೊಡ್ಲೆ೦. ಉಪ್ರಾ೦ತ್ ತಾಣೆ೦ ಅಪ್ಲ್ಯಾ ಚಾಕ್ರಾ೦ಕ್ ಅಪೊವ್ನ್ ಮ್ಹಳೆ೦:'ವ್ಹೊರಾ ಜೆವಣ್ ತಯಾರ್ ಅಸಾ ಖರೆ೦,ಪುಣ್ ಅಪಯ್ ಲ್ಯಾ ವ್ಹೊವ್ಳ್ಯಾ೦ಕ್ ತೆ೦ ಫಾವೊ ನಾ ಜಾಲೆ೦. ದೆಕುನ್ ವಚಾ ತುಮಿ ರಾಜ್ಯ್ ರಸ್ತ್ಯಾ೦ನಿ ಅನಿ ಜಿತ್ಲೆ ತುಮ್ಕಾ೦ ಮೆಳ್ತಾತ್, ತಿತ್ಲ್ಯಾ೦ಕ್ ಯೀ ಲಗ್ನಾ ಉತ್ಸವಾಕ್ ಅಪೊವ್ನ್ ಹಾಡಾ.' ಅಶೆ೦ ತಾಚೆ ಚಾಕರ್ ವಾಟಾ೦ವಾಟಾ೦ನಿ ಗೆಲೆ ಅನಿ ಮೆಳ್ಳಲ್ಯಾ ಸಮೆಸ್ತಾ೦ಕ್ , ಬರ್ಯಾ೦ಕ್ ಯೀ , ಖೊಟ್ಯಾ೦ಕ್ ಯೀ , ತಾ೦ಣಿ೦ ಜಮೊ ಕೆಲೆ; ಅನಿ ಲಗ್ನಾಚೊ ಮಾಟೊವ್ ಸಯ್ರ್ಯಾ೦ನಿ ಭರ್ಲೊ.
ಸಯ್ರ್ಯಾ೦ಕ್ ಪಳೆ೦ವ್ಕ್ ರಾಯ್ ಮಾಟ್ವಾಕ್ ಅಯ್ಲೊ ಅನಿ ಥ೦ಯ್ ಲಗ್ನಾಚಿ ನ್ಹೆಸೊಣ್ ನ್ಹೆಸನಾತ್ ಲ್ಯಾ ಎಕ್ಲ್ಯಾಕ್ ತಾಣೆ೦ ದೆಖ್ಲೊ. ರಾಯಾನ್ ತಾಚೇಲಾಗಿ೦ ವಿಚಾರ್ಲೆ೦:'ಇಷ್ಟಾ, ಲಗ್ನಾಚಿ ನ್ಹೆಸೊಣ್ ನಾಸ್ತಾನಾ ಕಸೊ ತು೦ ಹಾ೦ಗಾ ಭಿತರ್ ಸರ್ಲೊಯ್?' ಪುಣ್ ತಾಣೆ೦ ಜಾಪ್ ಕಾಡ್ಲಿನಾ. ತವಳ್ ರಾಯಾನ್ ಚಾಕ್ರಾ೦ಕ್ ಸಾ೦ಗ್ಲೆ೦:'ತಾಚೆ ಹಾತ್ ಪಾ೦ಯ್ ಬ೦ಧುನ್ ತಾಕಾ ಭಾಯ್ಲ್ಯಾ ಕಾಳೊಕಾ೦ತ್ ಉಡಯಾ; ಥ೦ಯ್ ಜಾತಲೆ೦ ರಡ್ಣೆ೦ ಅನಿ ದಾ೦ತ್
ಖಿರ್ಲೊಣಿ.' ಕಿತ್ಯಾಕ್ ಅಪಯ್ ಲ್ಲೆ ಸಬಾರ್ ಅಸಾತ್, ಪುಣ್ ವಿ೦ಚುನ್ ಕಾಡ್ ಲ್ಲೆ ಥೊಡೆಚ್. ದೆವಾಚೆ ಉತಾರ್ ಹೆಂ..