ಕುಮ್ಗಾರಾ ಉಪ್ರಾಂತ್ ಅರ್ಗಾಂ

ಕುಮ್ಗಾರಾ ಉಪ್ರಾಂತ್ ಅರ್ಗಾಂ

47 ಭಾವಾರ್ಥಚೆಂ ವಿಧಾನ್

ಏ ಮ್ಹಜ್ಯಾ ಸೊಮ್ಯಾ ಜೆಜು ಆತಾಂ ತುಂ ಮ್ಹಜೆ ಭಿತರ್ ಖರೊಚ್ ಆಸಾಯ್. ತುಜಿ ಕೂಡ್ ಹಾಂವೆಂ ಸೆವ್ಲ್ಯಾ ತುಜೆಂ ರಗತ್ ಹಾಂವ್ ಪಿಯೆಲಾಂ. ತುವೆಂ ಸಾಂಗ್ಲಾಂ ದೆಕುನ್ ಹಾಂವ್ ತೆಂ ಸತ್ಮನ್ತಾಂ.

48 ಆರಾಧಾನಾಚೆಂ ವಿಧಾನ್

ಏ ಮ್ಹಜ್ಯಾ ಜೆಜು ತುಕಾ ಹಾಂವ್ ಆರಾಧನ್ ಕರ್ತಾಂ ಫಾವೊತೆ ಪರಿಂ ತುಕಾ ನಮಸ್ಕಾರ್ ಕರ್ಚೆ ಖಾತಿರ್ ಭೊವ್ ಭಾಗೆವಂತಿ ಆಂಕ್ವಾರ್ ಮರಿಯೆಕ್  ಆಂಜಾಂ ಭೊಡ್ವ್ಯಾಂಕ್ ಆನಿ ಸಾಂತಾಂ  ಭಕ್ತಾಂಕ್ ಸಾಂಗಾತಾ ಘೆವ್ನ್ ಹಾಂವ್ ತುಕಾ ಆರಾಧನ್ ಕರ್ತಾಂ

49 ಉಪ್ಕಾರ್ ಭಾವುಡ್ಚೆಂ ವಿಧಾನ್

ಯೆ ಮ್ಹಜ್ಯಾ ಜೆಜು ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್ ಹಾಂವ್ ತುಕಾ ಅರ್ಗಾಂ ದಿತಾಂ. ಹಾ ಕಿತ್ಲೊ ಬರೊ ತುಂ ಕಿತ್ಲೊ ದಯಾಳ್ ಕಿತ್ಲೊ ಉದಾರ್ ಮ್ಹಜ್ಯಾ ಸ್ವಾದಿಕ್ ಜೆಜು ಆಲ್ತಾರಾಚ್ಯಾ ಸರ್ವ್ ಪವಿತ್ರ್ ಸಾಕ್ರಾಮೆಂತಾಂತ್ ತುಂ ಹರ್ಸಿಲ್ಲೊ ಜಾಂವ್.

50 ಮೊಗಾಚೆ ವಿಧಾನ್ 

ಮೊಗಾಳಾ ಜೆಜು  ಹಾಂವ್ ತುಜೊ ಮೋಗ್ ಕರ್ತಾಂ ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್ ಆನಿ ಸಗ್ಳೆ ಮ್ಹಜೆ ಸಕ್ತಿನ್ ತುಜೊ ಮೋಗ್ ಕರುಂಕ್ ಹಾಂವ್ ಆಶೆತಾಂ. ಯೆ ಜೆಜುಚ್ಯಾ ಪವಿತ್ರ್ ಕಾಳ್ಜಾ ಸದಾಂಚ್ ಹಾಂವೆಂ ತುಜೊ ಚಡ್ ಆನಿ ಚಡ್ ಮೋಗ್ ಕರಿಸೊ ಕರ್.

51 ಭೆಟೊವ್ಣೆಚೆಂ ವಿಧಾನ್

ಯೆ ಮ್ಹಜ್ಯಾ ಜೆಜು ತುವೆಂ ತುಕಾ ಸಗ್ಳೊಚ್ ಮ್ಹಾಕಾ ದಿಲಾ ಹಾಂವ್ ತುಕಾ ಮ್ಹಜಿ ಕೂಡ್ ದಿತಾಂ ಸದಾಂಚ್ ತಿ ನಿತಳ್ ಆನಿ ನಿಸ್ಕಳ್ ಉರಶಿ ಕರ್.  ಹಾಂವ್ ತುಕಾ ಮ್ಹೊಜೊ ಆತ್ಮೊ ದಿತಾಂ ಪಾತ್ಕಾ ವಿಣೆ ತೊ ರಾಕ್. ಹಾಂವ್  ತುಕಾ ಮ್ಹಜೆಂ ಕಾಳಿಜ್ ದಿತಾಂ ತಾಣೆಂ ತುಜೊ ಮೋಗ್ ಕರಿಸೊ ಕರ್. ಹಾಂವ್ ತುಕಾ ಹರೇಕ್ ಮ್ಹಜೊ ಉಸ್ವಾಸ್ ಚಡ್ ಕರುನ್ ಮ್ಹಜೊ ನಿಮಾಣೊ ಉಸ್ವಾಸ್ ದಿತಾಂ ಮ್ಹಾಕಾಚ್ ಹಾಂವ್ ತುಕಾ ದಿತಾಂ ಜಿಣಿಯೆಂತ್ ಆನಿ ಮರ್ನಾಂತ್ ಹಾಂವೆಂ ತುಜೊಚ್ ಜಾಂವ್ಚ್ಯಾಕ್ ಸಾಸ್ಣಾಂತ್.

52. ಆಪ್ಣಾ ಪಾಸತ್ ಮಾಗ್ಣೆಂ

ಯೆ ಜೆಜು ತುಜ್ಯಾ ಅಮೊಲಿಕ್ ರಗ್ತಾನ್ ಮ್ಹಜಿಂ ಪಾತ್ಕಾಂ ಧುವ್ನ್ ಕಾಡ್. ಯೆ ಜೆಜು, ತಾಳ್ನ್ಯಾಂಚೆರ್ ಝುಜ್ ಎದೊಳ್ ಯಿ ಕಾಬಾರ್ ಜಾಂವ್ಕ್ ನಾ ತಾಳ್ನಿ ಆಯಿಲ್ಲ್ಯಾ ವೆಳಾರ್ ಜಯ್ತ್ ವ್ಹರುಂಕ್ ಮ್ಹಾಕಾ ಜ್

ಪಾವ್" ಯೆ ಜೆಜು ಹಾಂವೆಂ ಬರಿ ಜಿಣಿ ಜಿಯೆಶಿ ಕರ್ ಹಾಂವೆಂ ಬರೆಂ ಮರ್ನ್ ಮರಶೆಂ ಕರ್  ಮರ್ಚ್ಯೆ ಆದಿಂ ಕ್ರಿಸ್ತ್ - ಪ್ರಾಸಾದಾಂತ್ ಹಾಂವೆಂ ತುಕಾ ಸೆಂವ್ಕ್ ಫಾವೊಕರ್ ಪ್ರಾಣ್ ಕರ್ತಾನಾ ಹಾಂವೆಂ ಮ್ಹಣಶೆಂ ಕರ್ ; ಜೆಜು , ಮರಿ, ಜುಜೆ ಮ್ಹಜೆ  ಕಾಳಿಜ್ ಆನಿ ಮ್ಹಜೊ ಅತ್ಮೊ ಹಾಂವ್ ತುಮ್ಕಾಂ ದಿತಾಂ ."

53. ಹೆರಾಂ ಪಾಸತ್ ಮಾಗ್

ಏ ಜೆಜು ತುಜೆ  ಪವಿತ್ರ್ ಸಭೆಚಿ ಬಿರ್ಮತ್ ಚೀಂತ್ ತಿಚಿ ತುಂ ಜತನ್ ಘೆ. 

ಏ ಜೆಜು, ನಿರ್ಭಾಗಿ ಪಾತ್ಕ್ಯಾಂಚಿ ಬಿರ್ಮತ್ ಪಾವ್ ಆನಿ ಯಮ್ಕೊಂಡಾಂತ್ಲೆಂ ತಾಂಕಾಂ ನಿವಾರ್. ಜೆಜುಚ್ಯಾ ದೈವಿಕ್  ಕಾಳ್ಜಾ, ಪಾತ್ಕ್ಯಾಂಕ್ ಸರ್ಕೆ ವಾಟೆಕ್ ಪರ್ತಿ ಪರ್ತಲ್ಯಾಂಕ್ ಸಾಲ್ಯಾರ್ ಕರ್. ಪುರ್ಗತ್ರ್ಂತ್ಲ್ಯಾ ಭಾಗೆವಂತ್ ಅತ್ಮ್ಯಾಂಕ್ ಸುಟ್ಕಾ ದಿ.

ಏ ಜೆಜು ಮ್ಹಜೆ ಆವಯ್ಕ್ ಆನಿ ಮ್ಹಜ್ಯಾ ಬಾಪಾಯ್ಕ್ ಮ್ಹಜ್ಯಾ ಭಾವಾಂಕ್ ಆನಿ ಭಯ್ಣಿಂಕ್  ಮ್ಹಜ್ಯಾ ವ್ಹಡಿಲಾಂಕ್   ಸಯ್ರ್ಯಾಂ - ಧಯ್ರ್ಯಾಂಕ್ , ಇಷ್ಟಾಂಕ್ ಮ್ಹಾಕಾ ಬರೆಂ ಕೆಲ್ಲ್ಯಾ ಸಕ್ಟಾಂಕ್ ಕೊಣಾ ಪಾಸತ್ ಹಾಂವೆಂ ಮಾಗುಂಕ್ ಫಾವೊಗಿ ಆನಿ ಕೊಣಾ ಪಾಸತ್ ಮಾಗ್ತಾಂ ಮ್ಹಣ್ ಹಾವೆಂ ಭಾಸಾಯ್ಲಾಂಗಿ ತಾಂಕಾಂ ಸಮೆಸ್ತಾಂಕ್ ತುಜೊ ಆಶಿರ್ವಾದ್ ದಿ.

ಏ ಮ್ಹಜ್ಯಾ ಜೆಜು  ತುಜೆ ದೈವಿಕ್ ಕುರ್ಪೆನ್ ಮ್ಹಜೆ ಥಂಯ್ ತುಂ ರಾವ್ ಆನಿ ತುಜ್ಯಾ ಮೊಗಾ ಥಾವ್ನ್ ಹಾಂವೆಂ ವೆಗ್ಳಾಚಾರ್ ಜಾಂವ್ಕ್ ಕೆದಿಂಚ್ ಸೊಡಿನಾಕಾ.

ಆಮೆನ್