ಚೊವ್ತೊ ಭಾಗ್
ಕುಮ್ಸಾರ್, ಕುಮ್ಗಾರ್, ಮೀಸ್ , ಸಾಕ್ರಾಮೆಂತಾಚಿ ಭೆಟ್
ಕುಮ್ಸಾರಾಕ್ ತಯಾರಾಯ್
36.ಸುರ್ವೆಚೆಂ ಮಾಗ್ಣೆಂ
ಸರ್ವೆಸ್ಪರಾ ಸೊಮ್ಯಾ ಅಬ್ಳೆ ಏಕ್ ನಿರ್ಭಾಗಿ ಪಾತ್ಕಿ ತುಜೆ ಮುಖಾರ್ ಹಾಂವ್ ಸರ್ಪಡ್ತಾಂ. ಸರ್ಗಾಕ್ ದೀಷ್ಟ್ ಲಾಂವ್ಕ್ ಹಾಂವ್ ಫಾವೊ ನ್ಹಯ್, ಸಾಯ್ಬಾ. ಪೂಣ್ ಪಾತ್ಕ್ಯಾಂ ಥಂಯ್ ತುಂ ದಯಾಳ್. ಅಪರಿಮಿತ್ ತುಜಿ ಕಾಕುಳ್ತ್. ಹೆ ತುಜೆ ಕಾಕುಳ್ತಿಚೆರ್ ಪಾತ್ಯೆವ್ನ್ ಹಾಂವ್ ಮ್ಹಜ್ಯಾ ಪಾತ್ಕಾಂಚೆಂ ಭೊಗ್ಸಣೆಂ ಮಾಗುಂಕ್ ಆಯ್ಲಾಂ ತುಜ್ಯಾ ಆಧಾರಾನ್ ಪಾತಕ್ ಸಾಂಡುಂಕ್ ಹಾಂವ್ ಖುಶಿ ವ್ಹರ್ತಾಂ
ಏ ದೆವಾ ಪವಿತ್ರ್ ಅತ್ಮ್ಯಾ ಮ್ಹಜ್ಯಾ ಪಾತ್ಕಾಂಚೊ ಉಗ್ಡಾಸ್ ಕರುಂಕ್ ತಾಂಚಿ ಖರಿ ದುಖ್ ಧರುಂಕ್ ಥಿರ್ ನಿಚೆವ್ ಕರುಂಕ್ ಸುಟಾವೆಂ ಕುಮ್ಸಾರ್ ಜಾಂವ್ಕ್ ಆನಿ ಉಪ್ರಾಂತ್ ಮ್ಹಜಿ ಜಿಣಿ ಬದ್ಲುಂಕ್ ಬಳ್ವಂತ್ ಕುರ್ಪಾ ಮ್ಹಾಕಾ ದಿ.
ಆಮ್ಚ್ಯಾ ಬಾಪಾ..........
ಭೊವ್ ಭಗೆವಂತಿ ಆಂಕ್ವಾರಿ ಜೆಜುಚೆ ಮಾಯೆ, ಮ್ಹಜೆ ಮಾಯೆ . ಹಿಚೆ ಕುರ್ಪಾ ತುಜ್ಯಾ ಪುತಾ ಕಡ್ಚಿ ಮ್ಹಾಕಾ ಮಾಗುನ್ ದಿ.
ನಮಾನ್ ಮರಿಯೆ.........
ಸಾಂ. ಜುಜೆ, ಮ್ಹಜ್ಯಾ ರಾಕಣ್ ಭೊಡ್ವ್ಯಾ ಆನಿ ಮ್ಹಜ್ಯಾ ಶಾರೊತಿ ಸಾಂತಾ ತುಮಿ ಮ್ಹಾಕಾ ಪಾವಾ.
ಅನಂದ್ ಬಾಪಾಕ್.........
37. ಅಂತಸ್ಕರ್ನಾಚಿ ಝಡ್ತಿ
(ಚಿಂತುನ್, ತುಜಿಂ ಪಾತ್ಕಾಂ ಸೊದುನ್ ಕಾಡ್)
1.ಕುಮ್ಸಾರ್ ಜಾವ್ನ್ ಸುಮಾರ್ ಕಿತ್ಲೊ ತೇಂಪ್ ಜಾಲೊ? ದಿಲ್ಲೆಂ ಪ್ರಾಚಿತ್ ಕೆಲಾಂ? ಆದ್ಲೆಂ ಕುಮ್ಸಾರ್ ಸಾರ್ಕೆಂ ಜಾಲಾಂ? ವಾ ಕಾಂಯ್ ಪಾತಕ್ ಉರ್ಲಾಂ?
2 ಸಕಳಿಂ ಸಾಂಜೆಚಿಂ ಮಾಗ್ಣಿಂ ಮ್ಹಳ್ಯಾಂತ್ ? ಭಕ್ತಿಪಣಾನ್ ಮ್ಹಳ್ಯಾಂತ್? ಕ್ರಿಸ್ತ್ - ಪ್ರಸಾದಾಕ್ ಫಾವೊತಿ ತಯರಾಯ್ ಕೆಲ್ಯಾ, ಆನಿ ಅರ್ಗಾಂ ದಿಲ್ಯಾಂತ್ ? ಇಗರ್ಜೆಂತ್ ಗರ್ಜ್ ನಾಸ್ತಾನಾ ಉಲಯ್ಲಾಂ ವಾ ಖೆಳ್ಳಾಂ? ಆಯ್ತಾರ್ ಸೊಂತಾಚೆಂ ಕಾರಣ್ ನಾಸ್ತಾನಾ ಮೀಸ್ ಖಳ್ಳಾಂ? ಕಿತ್ಲೆ ಪಾವ್ಟಿಂ? ವಾವ್ರ್ ಕೆಲಾ? ವಾಯ್ಟ್ ಪುಸ್ತಾಕಾಂ ವಾಚ್ಲ್ಯಾಂತ್, ದವರ್ಲ್ಯಾಂತ್ , ಹೆರಾಂಕ್ ದಿಲ್ಯಾಂತ್? ಆಚಾರ್ ಪಾತ್ಯೆಲಾಂ, ಆಧಾರ್ಲಾ, ದೆಂವ್ಚಾರಾಚಿ ಕುಮಕ್ ಸೊಧ್ಲ್ಯಾ?
3.ದೆವಾಚೆಂ ನಾಂವ್ ಭೆಷ್ಟೆಂ ಕಾಡ್ಲಾಂ ? ಸೊಪುತ್ ದಿಲಾ? ಫಟ್ ಪರ್ಮಾಣ್ ಕೆಲಾಂ ? ಕಿತ್ಲೆ ಪಾವ್ಟಿಂ ? ಅಂಗೊವ್ಣ್ ಕೆಲ್ಲಿ ಫಾರಿಕ್ ಕರುಂಕ್ ನಾ?
4.ಆವಯ್-ಬಾಪಾಯ್ಚೆಂ ಉತರ್ ಆಯ್ಕಲಾಂ ? ತಾಂಕಾಂ ಪುರ್ಪುರ್ಲಾಂ ವಾ ಹಾತ್ ಉಬಾರ್ಲಾ? ಮೆಸ್ತ್ರಿಂಕ್, ಧನಿಯಾಂಕ್ ಪಾಟಿಂ ಉಲಯ್ಲಾಂ ? ತಾಂಕಾಂ ಪುರ್ಪುರ್ಲಾಂ ವಾ ಹಾತ್ ಉಬರ್ಲಾ? ಮೆಸ್ತ್ರಿಂಕ್, ಧನಿಯಾಂಕ್ ಪಾಟಿಂ ಉಲಯ್ಲಾಂ? ತಾಂಕಾಂ ಅಕ್ಮಾನ್ ಕೆಲಾ? ತಾಂಕಾಂ ಪಾಟ್ಲ್ಯಾನ್ ಉಲಯ್ಲಾಂ, ಖೊಡಿ ಕಾಡ್ಲ್ಯಾತ್, ಬೆಪರ್ವೊ ಕೆಲಾ, ತಾಂಚ್ಯೊ ಖಬ್ರೊ ಕೆಲ್ಯಾತ್? ಅತ್ಮಿಕ್ ವ್ಹಡಿಲಾಂಕ್ ಉಲಯ್ಲಾಂ , ತಾಂಕಾಂ ವಿರೋಧ್ ಗೆಲಾಂ, ತಾಂಚೊ ಮಾನ್ ಕಾಡ್ಲಾ?
5. ಭುರ್ಗ್ಯಾಂಚಿ, ಚಕ್ರಾಂಚಿ ಜತನ್ ಘೇತ್ಲ್ಯಾ, ತಾಂಕಾಂ ದೊತೊರ್ನ್ ಶಿಕಯ್ಲ್ಯಾ? ದೊತರ್ನಿಕ್ ಧಾಡ್ಲಾಂ ? ತಾಂಕಾಂ ಕಠಿಣಾಯೆನ್ ಚಲಯ್ಲಾಂ? ತಾಂಚ್ಯಾ ಸಾಂಬಾಳಾಕ್ ಮೋಸ್ ಕೆಲಾ?
6. ರಾಗ್ ಆಯ್ಲಾ? ರಾಗ್ ದವರ್ಲಾ? ಗಾಳಿ ಸೊವ್ಲ್ಯಾತ್, ಮಾರ್ಲಾಂ? ಮಸರ್ ಚಿಂತ್ಲಾ? ಚಾಡಿಯೊ ಸಾಂಗ್ಲ್ಯಾತ್? ಫರಿಕ್ಪಣ್ ಘೆತ್ಲಾಂ? ಹಗೆಂ ದವರ್ಲಾಂ ? ದುಸ್ರ್ಯಾಂಕ್ ವಾಯ್ಟ್ ಮಾಗ್ಲಾಂ ಸ್ಕಾಂದಲ್ ದಿಲಾಂ?
7 ಹಳ್ಶಿಕ್ ಚಿಂತ್ನಾಂ ಜಾಯ್ ಮ್ಹಣ್ ಮತಿಂತ್ ದವರ್ಲ್ಯಾಂತ್? ಕಿತ್ಲೆ ಪಾವ್ಟಿಂ ? ಹಳ್ಶಿಕ್ ಕರ್ನಿ ಕರುಂಕ್ ಖುಶಿ ವ್ಹೆಲ್ಯಾ? ಕಿತ್ಲೆ ಪಾವ್ಟಿಂ ? ಹಳ್ಶಿಕ್ ಉಲೊವ್ಣೆಂ ಉಲಯ್ಲಾಂ ? ಪೊಜ್ಡೆ ಸಬ್ದ್, ಗಿತಾಂ ಮ್ಹಳ್ಯಾಂತ್? ಕಿತ್ಲೆ ಪಾವ್ಟಿಂ ? ಜಾಯ್ ಮ್ಹಣ್ ಹಳ್ಶಿಕ್ ದೀಷ್ಟ್ ಪಳೇಲ್ಯಾ. ಹಳ್ಶಿಕ್ ವಾಚ್ಲಾಂ, ಆಪಡ್ಲಾಂ? ಹಳ್ಶಿಕ್ ಕರ್ನಿ ಕೆಲ್ಯಾ ? ಕಿತ್ಲೆ ಪಾವ್ಟಿಂ ? ತುಜೆ ಇತ್ಲ್ಯಾಕ್, ದುಸ್ರ್ಯಾ ಕಡೆ?
8 ಚೊರ್ಲಾಂ ? ಲುಕ್ಸಾಣ್ ಕೆಲಾಂ ? ಅಶೆಂ ಕರುಂಕ್ ಹೆರಾಂಕ್ ಕುಮಕ್ ಜಾಲಾಂ? ಮಾಪಾಂತ್, ತುಕಾಂತ್, ವಿಕ್ಚ್ಯಾ ಮ್ಹಾಲಾಂತ್ ದಗೊ ಕೆಲಾ? ಚೊರಿಯೆಚೊ ಮ್ಹಾಲ್ ಮೊಲಾಕ್ ಘೆತ್ಲಾ ವಾ ವಿಕ್ಲಾ? ಪೊಟ್ಟು ವಾ ಠಕಾರಿ ದುಡು ಹೆರಾಂಕ್ ಲಾಟ್ಲಾ? ರೀಣ್ ಬುಡಯ್ಲಾಂ ? ಖರ್ಚ್ ಉಣೊ ಕರ್ನ್, ಕಾಡ್ ಲ್ಲೆಂ ರೀಣ್ ಬುಡಯ್ಲಾಂ ? ಖರ್ಚ್ ಉಣೊ ಕರ್ನ್, ಕಾಡಲ್ಲೆಂ ರೀಣ್ ಫಾರಿಕ್ ಕರುಂಕ್ ಪ್ರಯತನ್ ಕೆಲಾಂ?
9. ಫಟ್ ಮಾರ್ಲ್ಯಾ? ಫಟ್ ಸಾಕ್ಸ್ ಸಾಂಗ್ಲ್ಯಾ? ಅಶೆಂ ಲುಕ್ಸಾಣ್ ಕೆಲಾಂ ? ಹೆರಾಂಚೆ ಅವ್ಗುಣ್ ಉಲಯ್ಲಾಂ? ತಾಂಚೊ ಮಾನ್ ಕಾಡ್ಲಾ ? ಘುಟಾನ್ ಅಸ್ ಲ್ಲಿಂ ಮಹಾ ಪಾತ್ಕಾಂ ದುಸ್ರ್ಯಾಂಕ್ ಸಾಂಗ್ಲ್ಯಾತ್ ? ನ್ಹಯ್ ಜಾಲ್ಲಿಂ ಘಡ್ನ್ ಸಾಂಗುನ್ ಮಾನ್ ಕಾಡ್ಲಾ? ಕಾರಣ್ ನಾಸ್ತಾನಾ ದುಸ್ರ್ಯಾಚೊ ದುಭಾವ್ ಕೆಲಾ?
10. ವರ್ಸಚೆಂ ಕುಮ್ಸಾರ್ ಜಾಲಾಂ ? ಪಾಸ್ಖಾಂಚೊ ಕ್ರಿಸ್ತ್ - ಪ್ರಾಸಾದ್ ಘೆತ್ಲಾ ? ಆಡ್ವಾರ್ಲಲ್ಯಾ ದಿಸಾಂನಿ ಮಾಸ್ ಖೆಲಾಂ? ಜಿಂಜ್ವಾರ್ ಖಳ್ಳ್ಯಾತ್ ? ಇಗರ್ಜೆಕ್ ದೆವೆಂ ಅಸ್ ಲ್ಲೆಂ ದಿಲಾಂ?
11 ಗರ್ವ್ ಕೆಲಾಂ, ಹಂಕಾರ್ ಉಲಯ್ಲಾಂ? ಆಪುಣ್ ಚ್ ಬುದ್ವಂತ್ ಮ್ಹಣ್ ಲೆಕ್ಲಾಂ ಆನಿ ಹೆರಾಂಚೊ ಬೆಪರ್ವೊ ಕೆಲಾ? ಧನ್ ಆನಿ ಮನ್ ದುಡ್ವಾರ್ ದವರ್ಲಾಂ ? ತಾಂಕಿ ಪರ್ಮಾಣೆಂ ಇಜ್ಮೊಲ್ ದಿಲಾಂ? ಹಳ್ತ್ ಮಿರ್ವೊನ್ ಖೆಲಾಂ, ಪಿಯೆಲಾಂ? ಆಳ್ಸಾಯ್ ಕೆಲ್ಯಾ
ದುಖಿಚೆಂ ವಿಧಾನ್
ಪಾಂಚ್ವ್ಯಾ ಪಾನಾರ್ ಆಸಾ ತೆಂ ಸವ್ಕಾಸ್ ಚಿಂತುನ್ ಮ್ಹಣ್
38 ಕುಮ್ಸಾರ್
ಭಕ್ತಿಪಣಾನ್ ಕುಮ್ಸಾರಾಕ್ ವಚ್. ದುಸ್ರ್ಯಾಂಕ್ ಲೊಟಿನಾಕಾ. ಆಂಗಾರ್ ಪಡನಾಕಾ. ಯಾಜಕ್ ತುಕಾ ನಮಾನ್ ಕರ್ತಲೊ ಆನಿ ಮೊವಾಳಾಯೆನ್ ತುಕಾ ಘೆತಲೊ. ತವಳ್ ತುಜೆರ್ ಚ್ ಖುರ್ಸಾಚೊ ಘುರ್ತ್ ಕಾಡುನ್ ಮ್ಹಣ್:
ಬಾಪಾಚೆ ಆನಿ ಪುತಾಚೆ ಆನಿ ಪವಿತ್ರ್ ಅತ್ಮ್ಯಾಚೆ ನಾಂವಿಂ.
ಆಮೆನ್
ಉಪ್ರಾಂತ್ ಯಾಜಕ್ ಮ್ಹಣ್ತಾ : ಅಮ್ಕಾಂ ಅಂತಸ್ಕರ್ಣಿಂ ಉಜ್ವಾಡಾಯಿಲ್ಲೊ ದೇವ್, ತುಜಿಂ ಪಾತ್ಕಾಂ ವಳ್ಕುಂಚಿ ಕುರ್ಪಾ ತುಕಾ ಲಾಭೊಂವ್ ಆನಿ ತುಕಾ ತಾಚಿ ಕಾಕುಳ್ತ್
ಭೊಗುಂಕ್ ಫಾವೊ ಜಾಂವ್.
ತವಳ್ " ಆಮೆನ್" ಮ್ಹಣುನ್ ಜವಾಬ್ ದಿ.
ಖುಶಿ ಆಸ್ಲ್ಯಾರ್ "ಹಾಂವ್ ಪಾತ್ಕಿ" ಆತಾಂ ಮ್ಹಣ್ಯೆತ್.ಉಪ್ರಾಂತ್ ತುಜಿಂ ಪಾತ್ಕಾಂ ಆಸಾತ್ ತಶಿ, ಲಿಪಯ್ನಾಸ್ತಾಂ ಸಾಂಗ್. ಆನಿ ದುಖಿಚೆಂ ವಿಧಾನ್ ಪಾಂಚ್ವ್ಯಾ ಪಾನಾರ್ ಅಸ್ ಲ್ಲೆಂ ಪರಿಂ ಸವ್ಕಾಸ್ ಮ್ಹಣ್. ತಿತ್ಯ್ಲಾರ್ ಯಾಜಕ್ ತುಕಾ ಪ್ರಾಚಿತ್ ದಿತಾ ಆನಿ ತುಜ್ಯಾ ಪಾತ್ಕಾಂಚೆಂ ಭೊಗ್ಸಣೆಂ ದಿತಾ: ತಾಚೆ ಸೊಂಪ್ಣೆಕ್ " ಆಮೆನ್" ಮ್ಹಣ್ ಜವಾಬ್ ದಿ.
ಆತಾಂ ಯಾಜಕ್ ಮ್ಹಣ್ತಾ:
ಸೊಮ್ಯಾಕ್ ಧಿನ್ವಾಸುಂಯಾ, ಕಿತ್ಯಾಕ್ ತೊ ಬರೊ.
ಜವಾಬ್ ದಿ: ಕಿತ್ಯಾಕ್ ತಾಚಿ ಕಾಕುಳ್ತ್ ಸಾಸ್ಣಾಕ್ ಬಾಳ್ತಾ.
ಯಾಜಕ್ ತುಕಾ ಧಾಡ್ತಾ ಮ್ಹಣುನ್ : ಸೊಮ್ಯಾನ್ ತುಜಿಂ ಪಾತ್ಕಾಂ ಭೊಗ್ಶಿಲ್ಯಾಂತ್ - ಸಮಾಧಾನಾನ್ ವಚ್.
39. ಕುಮ್ಸಾರಾ ಉಪ್ರಾಂತ್ಲೆಂ ಮಾಗ್ಣೆಂ
ಯೆ ದಯಾಳ್ ದೆವಾ ಪರ್ತ್ಯಾನ್ ತುವೆಂ ಮ್ಹಕಾ ಭೊಗ್ಶಿಲೊ ಪರ್ತ್ಯಾನ್ , ಯಾಜಕಾ ಮಾರಿಫಾತ್ ಭೊಗ್ಸಣೆಂ ಮ್ಹಾಕಾ ದಿಲೆಂ ಮ್ಹಜೊ ಮ್ಹಳಲ್ಲೊ ಅತ್ಮೊ ತುಜ್ಯಾ ಆಮೊಲಿಕ್ ರಗ್ತಾನ್ ಧುಲೊ ತುಜೆ ಸರ್ಗಿಂಚೆ ಕುರ್ಪೆನ್ ತೊ ಸೊಭಿತ್ ಆನಿ ಪರ್ಜಳಿಕ್ ಕೆಲೊ ಖಂಯ್ಚ್ಯಾ ಉತ್ರಾಂನಿ ತುಕಾ ಅರ್ಗಾಂ ದಿಂವ್? ಮ್ಹಜ್ಯಾ ತೊಂಡಾರ್ ಉತರ್ ನ ಪೂಣ್ ಮ್ಹಜೆ ಕಾಳಿಜ್ ಮೊಗಾನ್ ಭರ್ಲಾಂ ಯೆ ಬಾಪಾ, ಸರ್ವ್ ಬರೆಪಣಾಚ್ಯಾ ತುಜಿ ಕಾಕುಳ್ತ್, ತುಜಿ ಸೊಸ್ಣಿಕಾಯ್, ತುಜೆಂ ಬರೆಪಣ್ ವಿಸ್ತಾರ್ ದರ್ಯಾ ಸಾರ್ಕೆಂ. ತಾಕಾ ಅಂತ್ ನಾ, ತಾಕಾ ತಡ್ ನಾ , ತಾಕಾ ಥಳ್ ನಾ ಹಾ, ಕಸೊ ಹಾಂವ್ ತುಜೆರ್ ಇತ್ಲ್ಯಾ ಮೊಗಾಳಾ ಬಾಪಾಚೆರ್ ಪಾತಕ್ ಕರುಂಕ್ ಪಾವ್ಲೊಂ ಹ್ಯಾ ಮುಖಾರ್ ಪುಣ್ ಯೀ ಕರ್ಚೊನಾಂ ಮ್ಹಣ್ ಥಿರ್ ನಿಚೆವ್ ಕರ್ತಾಂ ತುಂಚ್ ಮ್ಹಜೊ ಆಧಾರ್ ತುಜೆರ್ ಸರ್ವ್ ಮ್ಹಜೊ ಭರ್ವಸೊ ದವರ್ತಾಂ ಮರಿಯೆ, ಮೊಗಾಳಿ ಮಾಯೆ ಮ್ಹಾಕಾ ಸಾಂಡಿನಾಕಾ . ಆಮೆನ್ .
40 ಆತಾಂ ಪ್ರಾಚಿತ್ ಕರ್
ಮರಿಯೆ , ಅಮ್ಚ್ಯಾ ಭರ್ವಸ್ಯಾ, ಆಮ್ಚಿ ಬಿರ್ಮತ್ ಪಾವ್.
ಮಾಯೆ, ಮೊಗಾಚೆ, ದುಖಿಚೆ ಆನಿ ಕಾಕುಳ್ತಿಚೆ ಆಮಾ ಪಾಸತ್ ಮಾಗ್
ಕಾಕುಳ್ತಿಚೆ ಸಾಯ್ಬಿಣಿ, ಮರಿಯೆ ಸಮೆಸ್ತ್ ಕ್ರಿಸ್ತಾಂವಾಂಚೆ ಮಾಯೆ, ಆಮಾ ಪಾಸತ್ ಮಾಗ್.