ದೊಂಗ್ರಾ ವಯ್ಲೊ ಪ್ರಸಂಗ್
(ಮಾರ್ಕ್ 3:13; ಲೂಕ್ 6:12-13,20)
5. 1 ಲೊಕಾಚೊ ಜಮೊ ಪಳೆವ್ನ್ ಜೆಜು ದೊಂಗ್ರಾರ್ ಚಡ್ಲೊ. ಥಂಯ್ ತೊ ಬಸೊನ್ ಆಸ್ತಾಂ ತಾಚೆ ಸರ್ಶಿಂ ಆಯ್ಲೆ.2 ತವಳ್ ತಾಂಚೇ ಲಾಗಿಂ ಉಲೊವ್ನ್ ಹೇ ಪರಿಂ ತೊ ಶಿಕೊವ್ಕ್ ಲಾಗ್ಲೊ:
ಆಟ್ ಭಾಗಿ
ಲೂಕ್ 6:20-26)
3" ಅಪುಣ್ ದುರ್ಬಳಿಂ ಮ್ಹಣ್ ಜಾಣಾ ಆಸಾತ್ ತಿಂ ಕಿತ್ಲಿಂ ಭಾಗಿ!
ಸಂರ್ಗಿಚೆಂ ರಾಜ್ಯ್ ತಾಂಚೆಂ.
4ರುದನ್ ಕರ್ತಾತ್ ತಿಂ ಕಿತ್ಲಿಂ ಭಾಗಿ,
ದೇವ್ ತಾಂಕಾಂ ಭುಜಯ್ತಲೊ.
5ಸಾಧಿಂಭೊಳಿಂ ಕಿತ್ಲಿಂ ಭಾಗಿ,
ಪ್ರಥ್ವಿ ಜಾತಲಿ ತಾಂಚೆಂ ದಾಯ್ಜ್.
6ದೆವಾಚಿ ಖುಶಿ ಕರುಂಕ್ ಭುಕೆತಾತ್ ಆನಿ ತಾನೆತಾತ್ ತಿಂ ಕಿತ್ಲಿಂ ಭಾಗಿ,
ತಿಂ ಧಾದೊಶಿ ಜಾತಲಿಂ
7ದಯಾ ದಾಖಯ್ತಾಯ್ ತಿಂ ಕಿತ್ಲಿಂ ಭಾಗಿ,
ತಾಂಕಾ ದಯಾ ಮೆಳ್ತಲಿ.
8ನಿತಳ್ ಮನಾಚಿಂ ಕಿತ್ಲಿಂ ಭಾಗಿ,
ದೇವ್ ತಾಂಕಾಂ ಪಳೆಂವ್ಕ್ ಮೆಳ್ತಲೊ.
9ಸಮಧಾನ್ ಹಾಡುಂಕ್ ವಾವುರ್ತಾತ್ ತಿಂ ಕಿತ್ಲಿಂ ಭಾಗಿ,
ತಾಂಕಾಂ ದೆವಾಚಿ ಭುರ್ಗಿಂ ಮ್ಹಣ್ತಲೆ.
10ನಿತಿ ಪಾಸತ್ ದಗ್ದಣಿ ಭೊಗ್ತಾತ್ ತಿಂ ಕಿತ್ಲಿಂ ಭಾಗಿ,
ಸರ್ಗಿಂಚೆಂ ರಾಜ್ಯ್ ತಾಂಚೆಂ.
11 ಮ್ಹಜೆ ಪಾಸತ್ ತುಮ್ಕಾಂ ಅಕ್ಮಾನ್ ಸೊಸುಂಕ್, ದಗ್ಧಣಿ ಭೊಗುಂಕ್ ಆನಿ ಸರ್ವ್ ಥರಾಂಚಿ ಘಡ್ಪಾಂ ಕರ್ನ್ ತುಮ್ಚೆರ್ ಆಡ್ ಉಲಯ್ತಾತ್ ತೆಂ ಆಯ್ಕುಂಕ್ ಮೆಳತ್ ಜಾಲ್ಯಾರ್ ತುಮಿ ಕಿತ್ಲಿಂ ಭಾಗಿ! 12 ಸಂತೊಸ್ ಆನಿ ಉಲ್ಲಾಸ್ ಪಾವಾ; ಕಿತ್ಯಾಕ್ ಸರ್ಗಾ ರಾಜ್ಯಾಂತ್ ಯಥೇಷ್ಟ್ ಪ್ರತಿಫಳ್ ತುಮ್ಕಾಂ ತಯಾರ್ ಆಸಾ. ತುಮ್ಚೇ ಆದಿಂ ಆಸ್ ಲ್ಲ್ಯಾ ಪ್ರವಾದ್ಯಾಂಕ್ ಯೀ ತಾಂಣಿ ತಶೆಂಚ್ ದಗ್ಧಿಲ್ಯಾತ್."
ಮೀಟ್ ಆನಿ ಉಜ್ವಾಡ್
(ಮಾರ್ಕ್ 9:50, 4:21; ಲೂಕ್ 8:16, 14:34-35, 18:33)
13 "ತುಮಿ ಪೃಥ್ವಿಚೆಂ ಮೀಟ್. ಮೀಟ್ ಚ್ ಜರ್ ಆಳ್ನಿ ಜಾಲೆಂ ತರ್ ಕಿತ್ಯಾನ್ ತಾಕಾ ಖಾರ್ಸಾಣ್ ದಿವ್ಚಿ? ಭಾಯ್ರ್ ಉಡೊಂವ್ಕ್ ಆನಿ ಪಾಂಯಾಂಥಳಾ ಮಸ್ತುಂಕ್ ಶಿವಾಯ್ ಹೆರ್ ಕಿತ್ಯಾಕ್ ಯೀ ತೆಂ ಉಪ್ಕಾರ್ನಾ 14ತುಮಿ ಸಂಸಾರಾಚೊ ಉಜ್ವಾಡ್. ದೊಂಗ್ರಾಚೇ ತಾಳ್ವೆರ್ ಬಾಂಧ್ಲಾಂ ತೆಂ ಶಹರ್ ಲಿಪೊನ್ ಉರಾನಾ. 15 ಕೊಣಾಯೀ ಮನಿಸ್ ದಿವೊ ಪೆಟೊವ್ನ್ ಕಳ್ಶೇ ಪಂದಾ ದವರಿನಾ. ಬಗರ್ ಘರಾಂತ್ ಆಸ್ಲಲ್ಯಾ ಸಮೆಸ್ತಾಂಕ್ ಉಜ್ವಾಡ್ ಜಾಯ್ಸೊ ದಿವ್ಟೊಣೆರ್ ದವರ್ತಾ. 16 ತಸೊಚ್ ತುಮ್ಚೊ ಉಜ್ವಾಡ್ ಮನ್ಶಾಂ ಮುಖಾರ್ ಪರ್ಜಳುಂ. ತೆ ತುಮ್ಚೊ ಬರ್ಯೊ ಕರ್ನ್ಯೊ ಪಳೆಂವ್ ಆನಿ ತುಮ್ಚ್ಯಾ ಸರ್ಗಿಂಚ್ಯಾ ಬಾಪಾಕ್ ಮಹಿಮಾ ದಿಂವ್
.
ನಿಯಮ್ ಶಾಸ್ತ್ರಾ ವಿಶ್ಯಾಂತ್ ಶಿಕೊವ್ಣ್
17 "ನಿಯಮ್ ಶಾಸ್ತ್ರಾ ವ ಪ್ರವಾದ್ಯಾಂಚೆಂ ಉತರ್ ರದ್ಧ್ ಕರುಂಕ್ ಹಾಂವ್ ಆಯ್ಲಾಂ ಮ್ಹಣ್ ತುಮಿ ಚಿಂತಿನಾಕಾತ್; ರದ್ಧ್ ಕರುಂಕ್ ನ್ಹಯ್ ಬಗರ್ ತೆಂ ಸಂಪೂರ್ಣ್ ಕರುಂಕ್ ಮ್ಹಣ್ ಹಾಂವ್ ಆಯ್ಲಾಂ.18 ಸತ್ ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ : ಆಕಾಸ್ ಆನಿ ಭುಮಿ ಸರ ಪರ್ಯಾನ್ ಘಡ್ಚೆಂ ಆಸಾ ತೆಂ ಘಡ್ಚ್ಯಾ ಶಿವಾಯ್ ನಿಯಮ್ ಶಾಸ್ತ್ರಾಂತ್ಲೆಂ ಎಕ್ ಚ್ ಏಕ್ ಅಕ್ಷರ್ ವಾ ತಿಬೊ ಪುಸುನ್ ವೆಚೊನಾ. 19 ದೆಕುನ್ ಜೊ ಕೊಣ್ ಹ್ಯಾ ನಿಯಮ್ ಶಾಸ್ತ್ರಾಂತ್ಲೆಂ ಏಕ್ ಅತೀ ಲ್ಹಾನ್ ನಿಯಮ್ ಮೊಡ್ತಾ ವಾ ತಶೆಂ ಮೊಡುಂಕ್ ಹೆರಾಂಕ್ ಶಿಕಯ್ತಾ, ತಸಲ್ಯಾಕ್ ಸರ್ಗಿಂಚ್ಯಾ ರಾಜ್ಯಾಂತ್ ನಿಮಾಣೊ ಮ್ಹಣ್ ಲೆಖ್ತಲೆ. ಪುಣ್ ಜೊ ಕೊಣ್ ನಿಯಮಾಂ ಪಾಳ್ತಾ ಆನಿ ಹೆರಾಂಕ್ ಯೀ ಪಾಳುಂಕ್ ಶಿಕಯ್ತಾ ತಾಕಾ ಸರ್ಗಿಂಚ್ಯಾ ರಾಜ್ಯಾಂತ್ ವರ್ತೊ ಮ್ಹಣ್ ಲೆಖ್ತಲೆ.20 ದೆಕುನ್ ಹಾಂವ್ ತುಮ್ಕಾಂ ಸಾಂಗ್ತಾಂ : " ಶಾಸ್ತ್ರ್ಯಾಂ ಆನಿ ಫಾರಿಜೆವಾಂಚೇ ಧರ್ಮ್ ಧಿಷ್ಟಿ ಪ್ರಾಸ್ ತುಮ್ಚಿ ಧರ್ಮ್ ಧೀಷ್ಟ್ ಚಡ್ ಬರಿ ಜಾಲ್ಲೇಖರಿತ್ ತುಮಿ ಸರ್ಗಿಂಚ್ಯಾ ರಾಜ್ಯಾಂತ್ ರಿಗ್ಚಿಂನಾತ್
ರಾಗಾ ವಿಶ್ಯಾಂತ್ ಶಿಕೊವ್ಣ್
(ಮಾರ್ಕ್ 11:25; ಲೂಕ್ 12ಅ;57-59)
21 ” ಅಮ್ಚ್ಯಾ ಪುರ್ವಜಾಂಕ್ ಸಾಂಗ್ ಲ್ಲೆಂ ತುಮಿ ಆಯ್ಕಲಾಂ : ಜಿವೆಶಿಂ ಮಾರಿನಾಕಾ; ಜೊ ಕೊಣ್ ಜಿವೆಶಿಂ ಮಾರ್ತಾ ತಾಕಾನಿತಿಸಭೆಚೇ ಝಡ್ತೆಕ್ ಉಬೊ ಕರಿಜಯ್.’ 22 ಪುಣ್ ಹಾಂವ್ ತುಮ್ಕಾಂ ಸಾಂಗ್ತಾಂ : ಜೊ ಕೊಣ್ ಆಪ್ಲ್ಯಾ ಭಾವಚೆರ್ ರಾಗಾರ್ ರಾವ್ತಾ, ತಾಕಾ ನಿತಿಸಭೇ ಮುಖಾರ್ ಹಾಡಿಜಯ್; ಆನಿ ಜೊ ಕೊಣ್ ಆಪ್ಲ್ಯಾ ಭಾವಕ್ ’ಅರೇ ಪೆದ್ದಾ’ ಮ್ಹಣ್ತಾ ತಾಕಾ ಸಾನ್ಹೆದ್ರಿನ್ ಸಭೇ ಮುಖಾರ್ ಹಡಿಜಯ್. ಆನಿ ಜೊ ಕೊಣ್ ಜಾಕಾ ’ಅರೇ ಪಿಶ್ಯಾ’ ಮ್ಹಣ್ತಾ, ತಾಣೆಂ ಯೆಮ್ಕೊಂಡಾಚ್ಯಾ ಉಜ್ಯಾಂತ್ ಲಾಸಜಯ್.
23-24 " ದೆಕುನ್ ತುಂ ವೇದಿ ಮುಖಾರ್ ತುಜಿ ಕಾಣಿಕ್ ಭೆಟೊಂವ್ಕ್ ವೆತಾನಾ, ಜರ್ ತುಜ್ಯಾ ಭಾವಾಕ್ ತುಜೇ ವಿರೋಧ್ ಕಾಂಯ್ ಆಸಾ ಮ್ಹಣ್ ತುಕಾ ಉಗ್ಡಾಸ್ ಯೆತ್, ತರ್ ತಿ ತುಜಿ ಕಾಣಿಕ್ ಥಂಯ್ಚ್ ವೇದಿ ಮುಖಾರ್ ಸೊಡ್. ಪಯ್ಲೆಂ ವಚ್ ಆನಿ ತುಜ್ಯಾ ಭಾವಾಕಡೆ ರಾಜಿ ಜಾ: ಉಪ್ರಾಂತ್, ಪಾಟಿಂ ಯೇವ್ನ್ ತುಜಿ ಕಾಣಿಕ್ ಭೆಟಯ್.
25 " ತುಂ ಆನಿ ತುಜೊ ವಾದಿ ಕೊಡ್ತಿಚೇ ವಾಟೇರ್ ಆಸ್ತಾನಾಚ್ ತಾಚೇಲಾಗಿಂ ರಾಜಿ ಜಾ, ನಾ ಜಾಲ್ಯಾರ್ ವಾದಿ ತುಕಾ ನಿತಿಕರ್ತಾ ಆಧೀನ್ ಕರಿತ್, ಆನಿ ನಿತಿಕರ್ತ್ ತುಕಾ ಪಾರ್ಯಾಂಚ್ಯಾ ಹಾತಾಂತ್ ದೀತ್ ಆನಿ ತುಕಾ ಬಂದೆಂತ್ ಘಾಲ್ತಿತ್.26 ಸತ್ ಚ್ ಹಾಂವ್ ತುಕಾ ಸಾಂಗ್ತಾಂ : ಪೈಶಾಕ್ ಪೈಸೊ ಫಾರಿಕ್ ಕರಿಸರ್ ಥಂಯ್ಚೊ ತುಂ ಭಾಯ್ರ್ ಸರ್ಚೊನಾಯ್.
ಪ್ರದ್ವಾರಾ ವಿಶ್ಯಾಂತ್ ಶಿಕೊವ್ಣ್
(ಮಾತೆವ್ 18:8-9 , ಮಾರ್ಕ್ 9:43,47-47)
27 " ಪ್ರದ್ವಾರ್ ಕರಿನಾಕಾ’ ಮ್ಹಣ್ ಪುರ್ವಜಾಂಕ್ ಸಾಂಗ್ ಲ್ಲೆಂ ತುಮಿ ಆಯ್ಕಲಾಂ. 28ಪುಣ್ ಹಾಂವ್ ತುಮ್ಕಾಂ ಸಾಂಗ್ತಾಂ : ಜೊ ಕೊಣ್ ಖೊಟೇ ಆಶೆನ್ ಏಕ್ ಸ್ತ್ರಿಯೆಚರ್ ದೀಷ್ಟ್ ಲಾಯ್ತಾ, ತಾಣೆಂ ಆಪ್ಲ್ಯಾ ಕಾಳ್ಜಾಂತ್ ತಿಚೇ ಕಡೆ ಪ್ರದ್ವಾರ್ ಕರ್ನಾಯಿ ಜಾಲಾ.
29" ತುಜೆ ಉಜ್ವೊ ದೊಳೊ ತುಕಾ ಪಾತ್ಕಾಕ್ ವೊಡ್ತಾ ಜಾಲ್ಯಾರ್ ತೊ ಕೊಂಕುನ್ ಕಾಡ್ ಆನಿ ಪಯ್ಸ್ ಉಡಯ್; ತುಜಿ ಸಗ್ಳಿ ಕೂಡ್ ಯಮ್ಕೊಂಡಾಂತ್ ಘಾಲ್ನ್ ಕಾಣ್ಘೆಂವ್ಚೇ ಪ್ರಾಸ್ ತುಜೊ ಏಕ್ ವಿಸ್ಚೊ ತುವೆಂ ಹೊಗ್ಡಾವ್ನ್ ಕಾಣ್ಘೆಂಲ್ಲೊ ಅಧಿಕ್ ಬರೆಂ. 30 ತುಜೊ ಉಜ್ವೊ ಹಾತ್ ತುಕಾ ಪಾತ್ಕಾಕ್ ವೊಡ್ತಾ ಜಾಲ್ಯಾರ್ ತೊ ಕಾತರ್ನ್ ಕಾಡ್ ಆನಿ ಪಯ್ಸ್ ಉಡಯ್. ತುಜಿ ಸಗ್ಳಿ ಕೂಡ್ ಯಮ್ಕೊಂಡಾಕ್ ವಚೇ ಪ್ರಾಸ್ ತುಜೇ ಕುಡಿಸೊ ಏಕ್ ವಿಸ್ವೊ ತುವೆಂ ಹೊಗ್ಡಾವ್ನ್ ಕಾಣ್ಗೆಲ್ಲೊ ಅಧಿಕ್ ಬರೆಂ.
ಲಗ್ನಾ ಬಾಂಧ್ ಮೊಡ್ಚೇ ವಿಶ್ಯಾಂತ್
(ಮಾತೆವ್ 19:7-9; ಮಾರ್ಕ್ 10:4-5, 10-12; ಲೂಕ್ 16:18)
31 " ಹ್ಯಾ ಶಿವಾಯ್ ಅಶೆಂಯೀ ಸಾಂಗ್ ಲ್ಲೆಂ ಆಸಾ : ’ ಕೋಣ್ ತರ್ ಯೀ ಆಪ್ಲೇ ಬಾಯ್ಲೆಕ್ ಸೊಡ್ತಾ, ತಾಣೆಂ ತಿಕಾ ವೆಗ್ಳಾಚಾರ್ ಪತ್ರ್ ಬರೊವ್ನ್ ದೀಜಯ್. 32 ಪುಣ್ ಹಾಂವ್ ತುಮ್ಕಾಂ ಸಾಂಗ್ತಾಂ : ವ್ಯಭಿಚಾರಾ ಶಿವಾಯ್ ದುಸ್ರ್ಯಾ ಖಂಯ್ಚಾಯೀ ಕಾರಣಾನ್ ಆಪ್ಲೇ ಬಾಯ್ಲೆಕ್ ಸೊಡ್ತಾ ತೊ ಹರ್ಯೆಕ್ಲೊ ತಿ ಪ್ರದ್ವಾರಿಣ್ ಜಾಂವ್ಕ್ ಕಾರಣ್ ಜಾತಾ; ಆನಿ ಜೊ ಕೊಣ್ ಅಶೆಂ ಸೊಡ್ಲಲೇ ಲಾಗಿಂ ಲಗ್ನ್ ಜಾತಾ, ತೊಯೀ ಪ್ರದ್ವಾರ್ ಆಧಾರ್ತಾ.
ಫರ್ಮಾಣಾಂ ವಿಶ್ಯಾಂತ್ ಶಿಕೊವ್ಣ್
33" ಪುರ್ವಜಾಂಕ್ ಸಾಂಗ್ ಲ್ಲೆಂ ತುಮಿ ಆಯ್ಕಾಲಾಂ: ಸಪುತ್ ಘಾಲ್ನ್ ದಿಲ್ಲೆಂ ಉತರ್ ಮೊಡಿನಾಕಾ ; ’ಆನಿ ಸರ್ವೆಸ್ಪರಾ ಮುಖಾರ್ ಆಣ್ ಘಾಲ್ನ್ ಭಾಸಾಯ್ ಲ್ಲೆಂ ಫಾರಿಕ್ ಕರ್’. 34 ಪುಣ್ ಹಾಂವ್ ತುಮ್ಕಾಂ ಸಾಂಗ್ತಾ: ಸಪುತ್ ಘಾಲ್ಚೊಚ್ ನ್ಹಯ್ - ಆಕಾಸಾಚ್ಯಾ ನಾಂವಾನ್ ಸಪುತ್ ಘಾಲಿನಾಕಾತ್; ಕಿತ್ಯಾಕ್ ದೆವಾಚೆಂ ಶಿಯಾಸಣ್ ತೆಂ . 35 ಭುಮಿಚ್ಯಾನ್ ಸಪುತ್ ಘಾಲಿನಾಕಾತ್; ಕಿತ್ಯಾಕ್ ದೆವಾಚ್ಯಾ ಪಾಂಯಾಂಚಿ ಮಣಯ್ ತಿ;ಜೆರುಜಲೆಮಾಚ್ಯಾ ನಾಂವಾನ್ ಸಪುತ್ ಘಾಲಿನಾಕಾತ್;ಕಿತ್ಯಾಕ್ ವ್ಹಡ್ ರಾಯಚೆಂ ಶಹರ್ ತೆಂ. 36 ಆನಿ ತುಜ್ಯಾ ಮಾತ್ಯಾಚ್ಯಾ ನಾಂವಾನ್ ಯೀ ಸಪುತ್ ಘಾಲಿನಾಕಾ ; ಕಿತ್ಯಾಕ್ ಎಕ್ ಚ್ ಏಕ್ ಕೇಸ್ ಧವೊ ವಾ ಕಾಳೊ ಕರುಂಕ್ ತುಂ ಸಕನಾಯ್. 37 ತುಮ್ಚೆಂ ಉಲೊವ್ಣೆಂ ಜಾಯ್ಜಯ್ ’ವ್ಹಯ್’ ವಾ ’ನ್ಹಯ್’ ; ಹಾಚೇ ಪ್ರಾಸ್ ಚಡಿತ್ ಕಿತೆಂಯೀ ಆಸ್ಲ್ಯಾರ್ ತೆಂ ದೆಂವ್ಚಾರಾ ಥಾವ್ನ್ ಯೆತಾ.
ಫಾರಿಕ್ಪಣಾ ವಿಶ್ಯಾಂತ್ ಶಿಕೊವ್ಣ್
(ಲೂಕ್ 6 :29-30)
38 " ’ ದೊಳ್ಯಾಕ್ ದೊಳೊ’ ಆನಿ ದಾಂತಾಕ್ ದಾಂತ್’ - ಅಶೆಂ ಸಾಂಗ್ ಲ್ಲೆಂ ತುಮಿ ಆಯ್ಕಾಲಾಂ. 39 ಪುಣ್ ಹಾಂವ್ ತುಮ್ಕಾಂ ಸಾಂಗ್ತಾಂ: ತುಕಾ ವಾಯ್ಟ್ ಕರ್ತಲ್ಯಾಕ್ ಆಡ್ ರಾವನಾಕಾ . ಕೊಣ್ ಯೀ ತುಜ್ಯಾ ಉಜ್ವ್ಯಾ ಪೊಲ್ಯಾರ್ ಥಾಪಡ್ ಮಾರಿತ್ ಜಾಲ್ಯಾರ್ ಘುಂವೊನ್ ತುಜೊ ದಾವೊ ಪೊಲೊಯೀ ತಾಕಾ ದಾಖಯ್.40 ಕೊಣ್ ಯೀ ತುಜ್ಯಾ ದಗ್ಲ್ಯಾ ಖಾತಿರ್ ತುಜೆರ್ ದಾವೊ ಮಾಂಡಿತ್ ಜಾಲ್ಯಾರ್ ತುಜೊ ತುಜೊ ಶೆಲೊಯೀ ತಾಕಾ ವ್ಹರುಂಕ್ ಸೊಡ್. 41 ಕೊಣ್ ಯೀ ಅಧಿಕಾರಿ ತುಕಾ ಬಳ್ ಕರುನ್ ಏಕ್ ಮೈಲ್ ಚಲುಂಕ್ ಕರಿತ್ ಜಾಲ್ಯಾರ್, ತಾಚೇ ಸಾಂಗಾತಾ ದೋನ್ ಮೈಲಾಂ ವಚ್. 42 ತುಜೇ ಲಾಗಿಂ ಮಾಗ್ತಲ್ಯಾಕ್ ದೀ ಆನಿ ತುಜೇ ಲಾಗಿಂ ಉಸ್ಣೆಂ ದೀ ಮ್ಹಣ್ ಮಾಗ್ತಲ್ಯಾಕ್ ಪಟ್ ಪರ್ತಿನಾಕಾ.
ದುಸ್ಮಾನಾಂಚೊ ಮೋಗ್ ಕರ್ಚೇ ವಿಶ್ಯಾಂತ್ ಶಿಕೊವ್ಣ್
(ಲೂಕ್ 6:27-28, 32-36)
43 " ಅಶೆಂ ಸಾಂಗ್ ಲ್ಲೆಂ ತುಮಿ ಆಯ್ಕಲಾಂ : ’ ತುಜ್ಯಾ ಪೆಲ್ಯಾಚೊ ಮೋಗ್ ಕರ್. ಆನಿ ತುಜ್ಯಾ ದುಸ್ಮಾನಾಚೊ ದ್ವೇಷ್ ಕರ್’ . 44ಪುಣ್ ಹಾಂವ್ ತುಮ್ಕಾಂ ದಗ್ದಿತಲ್ಯಾಂ ಪಾಸತ್ ಮಾಗಾ. ಅಶೆಂ ತುಮಿ ತುಮ್ಚ್ಯಾ ಸರ್ಗಿಂಚ್ಯಾ ಬಾಪಾಚಿಂ ಭುರ್ಗಿಂ ಜಾತಲ್ಯಾತ್. ತೊ ಆಪ್ಲೊ ಸುರ್ಯೊ ಜಶೆಂ ಭಾಗೆವಂತಾಂಚೆರ್ ತಶೆಂ ಖೊಟ್ಯಾಂಚೆರ್ ಯೀ ಪಾವ್ಸ್ ವೊತ್ತಾ. 46ತುಮ್ಚೊ ಮೋಗ್ ಕರ್ತಲ್ಯಾಂಚೊ ಮಾತ್ರ್ ತುಮಿ ಮೋಗ್ ಕರ್ತಾತ್ ಜಾಲ್ಯಾರ್ ಕಿತೆಂ ಪ್ರತಿಫಳ್ ತುಮ್ಕಾಂ ಮೆಳತ್ ಮ್ಹಣ್ ಚಿಂತ್ತಾತ್? ತಿತ್ಲೆಂ ಸುಂಕಾಗಾರ್ ಯೀ ಕರ್ತಾತ್ ನ್ಹಯ್? 47 ತುಮ್ಚ್ಯಾ ಭಾವಾಂಕ್ ಮಾತ್ರ್ ತುಮಿ ಸಲಾಮ್ ಕರ್ತಾತ್ ಜಾಲ್ಯಾರ್ ಹೆರಾಂ ಪ್ರಾಸ್ ಕಿತೆಂ ವರ್ತೆಂ ತುಮಿ ಕೆಲ್ಲೇ ಪರಿಂ ಜಾಲೆಂ? ಅನ್ಭಾವಾರ್ಥಿ ಲೆಗುನ್ ತಿತ್ಲೆಂ ಕರ್ತಾತ್ ನ್ಹಯ್ ? 48 ತರ್, ಜಸೊ ತುಮ್ಚೊ ಸರ್ಗಿಂಚೊ ಬಾಪ್ ಸರ್ವ್ ಬರೊ, ತಶಿಂ ತುಮಿಯೀ ಜಾಯ್ಜಯ್ ಸರ್ವ್ ಬರಿಂ.