ಅಂತ್ ಲಾಗಿಂ ಪಾವ್ಲಾ
ಎಜೆಕಿಯೆಲ್ 7:15-22
ಭಾಯ್ರ್ ತಲ್ವಾರ್; ಭಿತರ್ ಮಾರಿಚಿ ಪಿದಾ ಆನಿ ದುಕಳ್. ಗಾಂವಾಂತ್ ವಸ್ತಿ ಕರ್ತಾತ್ ತಿಂ ತಲ್ವಾರಿನ್ ಮರ್ತಲಿಂ, ಶಹರಾಂತ್ ವಸ್ತಿ ಕರ್ತಲ್ಯಾಂಕ್ ದುಕಳ್ ಆನಿ ಮಾರಿಚಿ ಪಿಡಾ ಗ್ರಾಸಿತಲಿಂ.ವಾಂಚುನ್ ಉರ್ಲ್ಯಾಂತ್ ತಿಂ ಪಳುನ್ ಧಾಂವ್ತಿತ್ ಜಾಲ್ಯಾರ್ ಫಾಲ್ಕಾಂತ್ಲ್ಯಾ ಪಾರ್ವ್ಯಾಂ ಭಾಷೆನ್ ತಿಂ ದೊಂಗ್ರಾಚೆರ್ ಮೆಳ್ತಲಿಂ; ಆಪ್ಲ್ಯಾ ಆಪ್ರಾಧಾ ಖಾತಿರ್ ತಿಂ ಹಸ್ಕಾರ್ ಸುಸ್ಕಾರ್ ಸೊಡ್ತಲಿಂ. ಸಗ್ಲ್ಯಾಂಚೆ ಹಾತ್ ಬಳ್ ನಾಸ್ತಾಂ ಗಳೊನ್ ಪಡ್ತಲೆ, ಸಗ್ಲ್ಯಾಂಚಾ ದೊಂಪ್ರಾಂತ್ಲ್ಯಾನ್ ಉದಕ್ ವ್ಹಾoವ್ತಲೆಂ. ತಿಂ ಗೊಣಿಯೆ ವಸ್ತ್ರಾಂ ನ್ಹೆಸ್ತಲಿಂ, ಆಕಾಂತ್ ತಾಂಕಾಂ ವೆಡೊ ಘಾಲ್ತಲೊ. ತಾಂಚಿ ತೊಂಡಾo ಲಜೆನ್ ಭರ್ತಲಿಂ. ತಾಂಚ್ಯೋ ತಕ್ಳ್ಯೋ ಬೋಡ್ಕ್ಯೋ ಜಾತಲ್ಯೋ. ಆಪ್ಲೆಂ ಭಾಂಗಾರ್ ತಿಂ ಅಶುದ್ಧ್ ಮ್ಹಣ್ ಲೆಖ್ತಲಿಂ. ತಾಂಚೆ ರುಪೆಂ ವಾ ಭಾಂಗಾರ್ ಸರ್ವೆಸ್ಪರಾಚ್ಯಾ ಕ್ರೋಧಾಚ್ಯಾ ದಿಸಾ ತಾಂಚೆ ತಾರಣ್ ಕರುಂಕ್ ಸಕ್ಚೆo ನಾ. ತಾಚೆ ವರ್ವಿಂ ತಾಂಚಿ ಆಶಾ ಬಾಗ್ಚಿನಾ ಆನಿ ತಾಂಚಿo ಪೊಟಾಂ ಭರ್ಚಿಂ ನಾಂತ್; ಕಿತ್ಯಾಕ್ ಹೆಂ ಸಗ್ಳೆಂ ತಾಂಚ್ಯಾ ಪಾತ್ಕಾಕ್ ಕಾರಣ್ ಜಾಲ್ಲೆಂ. ಆಪ್ಲ್ಯಾ ಸೊಬಿತ್ ಭಾಂಗಾರಾ ಶಿಂಗಾರಾ ವರ್ವಿಂ ತಿಂ ಗರ್ವಾನ್ ಭರ್ ಲ್ಲಿಂ ; ತೆಂ ವಾವ್ರುನ್ ತಾಂಣಿo ಆಪ್ಲ್ಯೋ ಕಾಂಟಾಳ್ಯಾಚೊ ಮೂರ್ತಿ ಕೆಲ್ಯೋ. ದೆಕುನ್ ಹಾಂವ್ ತೆಂ ತಾಂಕಾಂ ಏಕ್ ಅಶುದ್ಧ್ ವಸ್ತ್ ಜಾಯ್ಶೆಂ ಕರ್ತಲೊಂ. ಹಾಂವ್ ತೆಂ ಪರ್ಕ್ಯಾoಚೆ ಆಧೀನ್ ಲೂಟ್ ಕಶಿ ದಿತಲೊಂ, ಪ್ರಥ್ವೆಚ್ಯಾ ನಷ್ಟ್ಯಾ ಮನ್ಶಾಂಚ್ಯಾ ಹಾತಾಂತ್ ಲುಟಿಚೊ ಮಾಲ್ ಕಸೊಂ ದಿತಲೊಂ; ಆನಿ ತೆ ತೆಂ ಭಾಷ್ಟಯ್ತಲೆ. ಹಾಂವ್ ತಾಂಚೆ ಥಾವ್ನ್ ಮ್ಹಜೆಂ ಮುಖಾಮಳ್ ಘುoವ್ಡಾಯ್ತಲೊಂ ಆನಿ ಲೋಕ್ ಮ್ಹಜೆಂ ಭಂಡಾರ್ ಭಷ್ಟಾಯ್ತಲೋ; ಲುಟ್ನಾರ್ ಭಿತರ್ ಸರ್ತಲೆ ಆನಿ ತೆಂ ಭಷ್ಟಾಯ್ತಲೆ.