ಮಾತೆವ್ ಪರ್ಮಾಣೆಂ ಸುವಾರ್ತಾ ನವೊ --------ಅಧ್ಯಾಯ್- ಉಪಾಸಾ ವಿಶ್ಯಾಂತ್ಲೆಂ ಸವಾಲ್,ಜೆಜು ಲೊಕಾಚಿ ಗತ್ ಪಳೆವ್ನ್ ಚುರ್ಚುರ್ತಾ

ಜೆಜು  ಆರಿಗಾರಾಕ್ ಬರೊ ಕರ್ತಾ

(ಮಾರ್ಕ್ 2:1-12; ಲೂಕ್ 5:17-25) 

9 1 ಜೆಜು ಏಕ್ ದೊಣಿರ್ ಚಡ್ಲೊ ಆನಿ ಪೆಲೇ ತಡಿಕ್ ಉತ್ರೊನ್ ಆಪ್ಲ್ಯಾ ಸ್ವಂತ್ ಶಹರಾಕ್ ಆಯ್ಲೊ. 2 ತೆದ್ವಾಂ ಥೊಡೆ ಜಣ್ ಏಕ್ ಆರಿಚ್ಯಾ ಪಿಡೆಗಾರಾಕ್ ತಾಚೇ ಖಾಟಿಯೇ ಸಮೇತ್ ಜೆಜು ಸರ್ಶಿಂ ಹಾಡ್ನ್ ಆಯ್ಲೆ, ತಾಂಚೊ ಭಾವಾರ್ಥ್ ಪಳೆವ್ನ್ ಪಿಡೆಗಾರಾಕ್ ಜೆಜುನ್ ಮ್ಹಳೆಂ : " ಧೈರ್ ಘೆ, ಪುತಾ! ತುಜಿಂ ಪಾತ್ಕಾಂ ತುಕಾ ಬೊಗ್ಸಲಿಂ," 3 ಹೆಂ ಆಯ್ಕುನ್ ಶಾಸ್ತ್ರ್ಯಾ ಮಧ್ಲೆ ಥೊಡೆ " ಹೊ ದೇವ್ ನಿಂದಾ ಉಲಯ್ತಾ" ಮ್ಹಣುನ್ ಆಪ್ಣಾ ಇತ್ಲ್ಯಾಕ್ ಘುಣ್ಗುಣುಂಕ್ ಲಾಗ್ಲೆ. 4 ಜೆಜು, ತಾಂಚಿಂ ಚಿಂತ್ನಾಂ ಜಾಣಾಜಾವ್ನ್, ತಾಂಚೆಲಾಗಿಂ ಮ್ಹಣಾಲೊ : " ತುಮ್ಚ್ಯಾ ಮನಾಂತ್ ತುಮಿ ವಾಂಕ್ಡಿಂ ಚಿಂತ್ನಾಂ ಆಟಯ್ತಾತ್ ಕಿತ್ಯಾಕ್? 5 ಖಂಯ್ಚೆಂ ಚಡ್ ಸೊಂಪೆಂ: ತುಜಿಂ ಪಾತ್ಕಾಂ ತುಕಾ ಬೊಗ್ಸಲಿಂ ಮ್ಹಣ್ಜೆಂ ವಾ ಊಠ್ ಆನಿ ಚಲ್ ಮ್ಹಣ್ಚೆಂ? 6 ತರ್ ಮನ್ಶಾಪುತಾಕ್ ಸಂಸಾರಿಂ ಪಾತ್ಕಾಂ ಬೊಗ್ಸುಂಚಿ ಪದ್ವಿ ಆಸಾ ಮ್ಹಣ್ ತುಮ್ಕಾಂ ದಾಖೊವ್ಚ್ಯಾಕ್" - ಆರಿಗಾರಾಕ್ ತೊ ಮ್ಹಣಲೊ: ಊಠ್ , ಕಾಣ್ಘೆ ತುಜಿ ಖಾಟ್ ಆನಿ ಚಲ್ ಘರಾ." 7 ತೊ ಉಠ್ಲೊ ಆನಿ ಘರಾ ಗೆಲೊ. 8 ಹೆಂ ಪಳೆವ್ನ್ ಲೋಕ್ ಭಿಯೆಲೊ ಆನಿ ಮನ್ಶಾಂಕ್ ಅಸಲಿ ಪದ್ವಿ ದಿಲ್ಲ್ಯಾ ದೆವಾಕ್ ವರ್ನುಂಕ್ ಲಾಗ್ಲೊ.

ಮಾತೆವಾಚೆಂ ಆಪೊವ್ಣೆಂ

(ಮಾರ್ಕ್ 2:13-17; ಲೂಕ್ 5:27-32)

9 ಥಂಯ್ಚೊ ಮುಖಾರ್ ಚಲತ್ ವೆತಾಂ ಜೆಜುನ್ ಸುಂಕಾಕಾಟ್ಯಾರ್ ಬಸುನ್ ಆಸ್ ಲ್ಲ್ಯಾ ಮಾತೆವ್ ಮ್ಹಾಳ್ಳ್ಯಾಕ್ ದೆಖ್ಲೊ. ಜೆಜುನ್ ತಾಕಾ ಮ್ಹಳೆಂ: "ಯೆ ಮ್ಹಜ್ಯಾ ಪಾಟ್ಲ್ಯಾನ್." ಮಾತೆವ್ ಉಠ್ಲೊ ಆನಿ ತಾಚ್ಯಾ ಪಾಟ್ಲ್ಯಾನ್ ಗೆಲೊ. 10 ಉಪ್ರಾಂತ್ ತಾಚ್ಯಾ ಘರಾ ಜೆಜು ಜೆವ್ಣಾರ್ ಬಸೊನ್ ಆಸ್ತಾನಾ ಸಬಾರ್ ಸುಂಕಾಗಾರ್ ಆನಿ ದುಸ್ರೆ ಪಾತ್ಕಿ ಯೇವ್ನ್ ಜೆಜು ಆನಿ ತಾಚ್ಯಾ ಶಿಸಾಂ ಸಾವೆಂ ಪಂಗ್ತಿರ್ ಬಸ್ಲೆ. 11 ಹೆಂ ಫಾರಿಜೆವಾಂನಿ ಪಳೆಲೆಂ ಆನಿ ತಾಚ್ಯಾ ಶಿಸಾಂಲಾಗಿಂ ತೆ ಮ್ಹಣಾಲೆ : " ತುಮ್ಚೊ ಮೆಸ್ತ್ರಿ ಸುಂಕಾಗಾರಾಂ ಆನಿ ಪಾತ್ಕ್ಯಾಂ ಸಾಂಗಾತಾ ಖಾತಾಜೆವ್ತಾ ಕಿತ್ಯಾಕ್?" 12 ಜೆಜುನ್ ತೆಂ ಆಯ್ಕುನ್ ತಾಂಕಾಂ ಜಾಪ್ ದಿಲಿ: " ಭಲಾಯ್ಕಿ ಆಸ್ಲಲ್ಯಾಂಕ್ ವಯ್ಜಾಚಿ ಗರ್ಜ್ ನಾ; ತಾಚಿ ಗರ್ಜ್ ಆಸಾ ಪಿಡೆಸ್ತಾಂಕ್. 13 ವಾಚಾ ಆನಿ ಹ್ಯಾ ಉತ್ರಾಂಚೊ ಅರ್ಥ್ ಕಿತೆಂ ಮ್ಹಣ್ ಶಿಕಾ: ’ಮ್ಹಕಾ ಜಾಯ್ ದಯಾ, ನ್ಹಯ್ ಬಲಿದಾನ್.’ ಹಾಂವ್ ಆಯ್ಲಾಂ ಪಾತ್ಕ್ಯಾಂಕ್ ಆಪೊಂವ್ಕ್, ಭಾಗೆವಂತಾಂಕ್ ನ್ಹಯ್."

ಉಪಾಸಾ ವಿಶ್ಯಾಂತ್ಲೆಂ ಸವಾಲ್

(ಮಾರ್ಕ್ 2:18-22; ಲೂಕ್ 5:33-39)

14 ತವಳ್ ಜುವಾಂವ್ಚೆ ಶಿಸ್ ಜೆಜು ಸರ್ಶಿಂ ಯೇವ್ನ್ ಮ್ಹಣಾಲೆ: "ಆಮಿ ಆನಿ ಫಾರಿಜೆವ್ ಸಬಾರ್ ಪಾವ್ಟಿ  ಉಪಾಸ್ ಕರ್ತಾಂವ್ ; ಪುಣ್ ತುಜೆ ಶಿಸ್ ಉಪಾಸ್ ಕರಿನಾತ್ ಕಿತ್ಯಾಕ್ ?" 15 ಜೆಜುನ್ ತಾಂಕಾಂ ಜಾಪ್ ದಿಲಿ: " ಹೊರೆತ್ ಆಪ್ಣಾ ಸಾಂಗಾತಾ ಆಸ್ತಾ ಪರ್ಯಾನ್ ಕಾಜಾರಾಚ್ಯಾ ವ್ಹೊವ್ಳ್ಯಾಂನಿ ದುಖೇಸ್ತ್ ಜಾವ್ನ್ ಆಸ್ಯೆತ್ ಗೀ? ಹೊರೆತಾಕ್ ತಾಂಚೇ ಥಾವ್ನ್ ಕಾಡ್ನ್ ವ್ಹರ್ಚೆ ದೀಸ್ ಯೆತಲೆ ಆನಿ ತವಳ್ ತೆ ಉಪಾಸ್ ಕರ್ತಲೆ."

      16" ಕೊಣ್ ಯೀ ಮನಿಸ್ ಪರ್ನ್ಯಾ ವಸ್ತುರಾಕ್ ನವ್ಯಾ ಲುಗ್ಟಾಚೊ ಕೊಪೊ ಮಾರಿನಾ, ಕಿತ್ಯಾ ತೊ ಕೊಪೊ ಪರ್ನ್ಯಾ ವಸ್ತ್ರಾಚಿಂ ಸುತಾಂ ವೋಡ್ನ್ ಕಾಡ್ತಾ ಆನಿ ತಾಚೊ ಫಾಳೊ ಆನಿಕ್ ಯೀ ವ್ಹಡ್ ಜಾತಾ. 17 ತಶೆಂಚ್ ನವೊ ವಾಯ್ನ್ ಪರ್ನ್ಯಾ ಚಾಮ್ಡ್ಯಾ ಚಿಲಾಂನಿ ಭರಿನಾತ್; ತಶೆಂ ಭರ್ಲ್ಯಾರ್ ಚಿಲಾಂ ಪುಟ್ತಾತ್. ಆಶೆಂ ವಾಯ್ನ್ ಗಳೊನ್ ವೆತಾ ಆನಿ ಚಿಲಾಂಯೀ ವಿಬಾಡ್ ಜಾತಾತ್. ನವೊ ವಾಯ್ನ್ ನವ್ಯಾ ಚಿಲಾಂನಿ ಭರ್ಲೊ ಜಾಲ್ಯಾರ್ ದೋನ್ ಯೀ ಶಾಬಿತ್ ಉರ್ತಾತ್."

ಜೆಜು ಅಧಿಕಾರ್ಯಾಚೇ ಧುವೆಕ್ ಜೀವ್ ಕರ್ತಾ ಆನಿ ರಗ್ತಾಸ್ರಾವಾಚೇ ಸ್ತ್ರೀಯೆಕ್ ಬರಿ ಕರ್ತಾ

(ಮಾರ್ಕ್ 5:21-43; ಲೂಕ್ 8:40-56)

18 ಅಶೆಂ ಜೆಜು ತಾಂಚೇಲಾಗಿಂ ಉಲೊವ್ನ್ ಆಸ್ತಾಂ, ಸಿನಾಗೊಗಾಚೊ ಏಕ್ ಅಧಿಕಾರಿ ತಾಚೇ ಸರ್ಶಿನ್ ಆಯ್ಲೊ ಆನಿ ತಾಚ್ಯಾ ಪಾಂಯಾಂ ಪಡುನ್ ಮ್ಹಣಾಲೊ: " ಸಾಯ್ಬಾ, ಮ್ಹಜೇ ಧುವೆನ್ ಆತ್ತಾಂಚ್ ಪ್ರಾಣ್ ಕೆಲೊ; ತುಂ ಯೆ ಆನಿ ತಿಚೆರ್ ತುಜೊ ಹಾತ್ ದವರ್ ಆನಿ ತಿ ಜೀವ್ ಜಾತಲಿ," 16 ಜೆಜು ಉಠ್ಲೊ ಆನಿ ಆಪ್ಲ್ಯಾ ಶಿಸಾಂಕ್ ಘೆವ್ನ್ ತಾಚ್ಯಾ ಪಾಟ್ಲ್ಯಾನ್ ಗೆಲೊ.

       20 ತೊ ವೆತಾನಾ ಬಾರಾ ವರ್ಸಾಂ ಥಾವ್ನ್ ರಗ್ತಾಸ್ರಾವಾಚೇ ಪಿಡೆನ್ ಕಷ್ಟೊನ್ ಆಸ್ ಲ್ಲಿ ಏಕ್ ಸ್ತ್ರೀ ತಾಚ್ಯಾ ಪಾಟ್ಲ್ಯಾನ್ ಲಾಗಿಂ ಸರ್ಲಿ ಆನಿ ತಾಚ್ಯಾ ಆಂಗ್ ವಸ್ತ್ರಾಚೆಂ ಪೊಂತ್ ತಿಣೆಂ ಆಪಡ್ಲೆಂ. 21 ಫಕತ್ ತಾಚೆಂ ಆಂಗ್ ವಸ್ತುರ್ ಹಾಂವ್ ಆಪ್ಡಿನ್ ಜಾಲ್ಯಾರ್ ಹಾಂವ್ ಬರಿಂ ಜಾತಲಿಂ" ಮ್ಹಣೊನ್ ತಿಣೆಂ ಆಪ್ಣಾ ಇತ್ಲ್ಯಾಕ್ ಚಿಂತ್ಲೆಂ. 22 ಜೆಜು ಪಾಟಿಂ ಘುಂವ್ಲೊ ಆನಿ ತಿಕಾ ಪಳೆವ್ನ್ ಮ್ಹಣಾಲೊ: ಧೈರ್ ಘೆ, ಧುವೇ! ತುಜ್ಯಾ ಭಾವಾರ್ಥಾನ್ ತುಕಾ ಬರಿ ಕೆಲಿ." ಆನಿ ತೇಚ್ ಘಡಿಯೇ ತಿ ಸ್ತ್ರೀ ಬರಿ ಜಾಲಿ.

23-24 ಜೆಜು ಶೆಕಿಂ ಅಧಿಕಾರ್ಯಾಚ್ಯಾ ಘರಾ ಯೇವ್ನ್ ಪಾವ್ಲೊ. ಥಂಯ್ ಆಸ್ ಲ್ಲ್ಯಾ ಪಿರ್ಲುಕ್ ವಾಜ್ಪ್ಯಾಂಕ್ ಆನಿ ಘಡ್ಬಡ್ ಕರ್ನ್ ಆಸ್ ಲ್ಲ್ಯಾ ಜಮ್ಯಾಕ್ ಪಳೆವ್ನ್ ತೊ ಮ್ಹಣಾಲೊ: " ತುಮಿ ಸಕ್ಕಡ್ ಭಾಯ್ರ್ ವಚಾ ಚಲಿ ಮರೊಂಕ್ ನಾ; ತಿ ನಿದ್ಲ್ಯಾ." ತವಳ್ ತೆ ಸಕ್ಕಡ್  ತವಳ್ ತೆ ಸಕ್ಕಡ್ ತಾಕಾ ಹಾಸಲಾಗ್ಲೆ. 25 ಲೊಕಾ ಜಮ್ಯಾಕ್ ಭಾಯ್ರ್ ಕರ್ತಚ್ ಜೆಜು ಭಿತರ್ ಗೆಲೊ. ಚಲಿಯೆಚೊ ತಾಣೆಂ ಹಾತ್ ಧರ್ಲೊ ಆನಿ ತಿ ಚಲಿ ಉಠ್ಲಿ. 26 ಹೇ ಸಂಗ್ತಿಚಿ ಖಬರ್ ತ್ಯಾ ಗಾಂವಾಂತ್ ಸಗ್ಲ್ಯಾನ್ ವಿಸ್ತಾರ್ಲಿ

ಜೆಜು ದೋಗ್ ಕುರ್ಡ್ಯಾಂಕ್ ದೀಷ್ಟ್ ದಿತಾ

27 ಜೆಜು ಥಂಯ್ಚೊ ಭಾಯ್ರ್ ಸರುನ್ ಪುಡೆಂ ವೆತಾನಾ ದೋಗ್ ಕೆರ್ಡೆ ತಾಚ್ಯಾ ಪಾಟ್ಲ್ಯಾನ್ " ದಾವಿದಾಚ್ಯಾ ಪುತಾ, ಆಮ್ಚಿ ಕಾಕುಳ್ತ್ ಕರ್" ಮ್ಹಣುನ್ ಬೊಬ್ ಮಾರಿತ್ ಆಯ್ಲೆ. 28 ತೊ ಘರಾಂತ್ ರಿಗ್ಲೊ ತೆದ್ನಾ ತೆ ತಾಚೇ ಸರ್ಶಿಂ ಆಯ್ಲೆ. ತವಳ್ ಜೆಜುನ್ ತಾಂಚೇಲಾಗಿಂ ವಿಚಾರ್ಲೆಂ: " ಹೆಂ ಕರುಂಕ್ ಮ್ಹಾಕಾ ಸಾಮರ್ಥಿ ಆಸಾ ಮ್ಹಣ್ ತುಮಿ ಸತ್ಮಾನ್ತಾತ್?" ತಾಣಿಂ ಜಾಪ್ ದಿಲಿ: ವ್ಹಯ್, ಸಾಯ್ಬಾ." 29 ತವಳ್ ಜೆಜುನ್ ತಾಂಚೆ ದೊಳೆ ಆಪಡ್ಲೆ ಆನಿ ಮ್ಹಳೆಂ: "ತುಮ್ಚ್ಯಾ ಭಾವಾರ್ಥಾ ಪರ್ಮಾಣೆಂ ತುಮ್ಕಾಂ ಜಾಂವ್." 30 ತೆದ್ನಾ ತಾಂಚೆ ದೊಳೆ ಉಗ್ತೆ ಜಾಲೆ. ಪುಣ್ ಜೆಜುನ್ ತಾಂಕಾಂ ಕಠಿಣ್ ತಾಕಿದ್ ದೀವ್ನ್ ಮ್ಹಳೆಂ: " ಚತ್ರಾಯ್, ಹೆಂ ಕೊಣಾಕ್ ಚ್ ಕಳನಯೆ." 31 ಪುಣ್ ತೆ ಗೆಲ್ಲೆಚ್ ಸಗ್ಲ್ಯಾ ತ್ಯಾ ಗಾಂವಾಂತ್ ತಾಚಿ ಕೀರ್ತ್ ಗಾಜೊಂವ್ಕ್ ಲಾಗ್ಲೆ.

ಜೆಜು ಏಕ್ ಮೊನ್ಯಾಕ್ ಬರೊ ಕರ್ತಾ

(ಲೂಕ್ 11:14-15)

32 ಜೆಜು ಆನಿ ತಾಚೆ ಶಿಸ್ ಭಾಯ್ರ್ ಸರ್ತಾನಾ ಥೊಡೆ ಜಣ್ ದೆಂವ್ಚಾರ್ ಲಾಗ್ ಲ್ಲ್ಯಾ ಏಕ್ ಮೊನ್ಯಾಕ್ ತಾಚೇ ಸರ್ಶಿಂ ಹಾಡ್ನ್ ಆಯ್ಲೆ. 33 ದೆಂವ್ಚಾರಾಕ್ ತಾಣೆಂ ಧಾಂವ್ಡಾಯ್ತಚ್ ಮೊನೊ ಉಲೊಂವ್ಕ್ ಲಾಗ್ಲೊ. ಲೋಕ್ ಸಗ್ಳೊ ವಿಜ್ಮಿತ್ ಜಾವ್ನ್ ಮ್ಹಣಾಲೊ: " ಇಸ್ರಾಯೆಲಾಂತ್ ಅಸಲೆಂ ಕೆದ್ನಾಯೀ ಪಳೆಂವ್ಕ್ ಮೆಳ್ ಲ್ಲೆಂ ನಾ." 34 ಪುಣ್ ಫಾರಿಜೆವ್ ಮ್ಹಣುಂಕ್ 

ಲಾಗ್ಲೆ: " ದೆಂವ್ಚಾರಾಂಚ್ಯಾ ಮುಖೆಲ್ಯಾಚ್ಯಾ ಬಳಾನ್ ತೊ ದೆಂವ್ಚಾರ್ ಧಾಂವ್ಡಾಯ್ತಾ."

ಜೆಜು ಲೊಕಾಚಿ ಗತ್ ಪಳೆವ್ನ್ ಚುರ್ಚುರ್ತಾ

(ಮಾರ್ಕ್ 6:6,34; ಲೂಕ್ 10:2)

35 ಅಶೆಂ ಜೆಜು ಜುದೆವಾಂಚ್ಯಾ ಸಿನಾಗೊಗಾಂನಿ ಹಿಕಯ್ತ್, ದೆವಾಚ್ಯಾ ರಾಜ್ಯಾಚಿ ಬರಿ ಖಬರ್ ಪಾಚಾರಿತ್ ಆನಿ ಹರ್ಯೆಕ್ ಥರಾಚಿ ಪಿಡಾಶಿಡಾ ಗೂಣ್ ಕರಿತ್ ಸರ್ವ್ ಶಹರಾಂನಿ ಆನಿ ಹಳ್ಳ್ಯಾಂನಿ ಭೊಂವ್ತಾಲೊ. 36 ಲೊಕಾಚೆ ಜಮೆ ಪಳೆವ್ನ್ ತಾಚೆಂ ಕಾಳಿಜ್ ಕಣ್ವಾಳಾಯೆನ್ ಭರ್ಲೆಂ; ಕಿತ್ಯಾಕ್ ಗೊವ್ಳಿ ನಾತ್ ಲ್ಲ್ಯಾ ಬಕ್ರ್ಯಾಂಬರಿ ತೆ  ಘುಸ್ಪಡೊನ್ ಭಿಜುಡ್ ಲ್ಲೆ . 37 ದೆಕುನ್ ಜೆಜು ಆಪ್ಲ್ಯಾ ಶಿಸಾಂಲಾಗಿಂ ಮ್ಹಣಾಲೊ: " ಪಿಕಾವಳ್ ಯಥೇಷ್ಟ್ ಆಸಾ, ಪುಣ್ ವಾವ್ರಾಡಿ ಥೊಡೆಚ್. 38 ದೆಕುನ್ ಪಿಕಾಚ್ಯಾ ಧನಿಯಾಲಾಗಿಂ, ತಾಣೆಂ ಆಪ್ಲ್ಯಾ ಪಿಕಾಚ್ಯಾ ವಾವ್ರಾಡಿ ಧಾಡ್ಚ್ಯಾಕ್ ಮಾಗಾ."